DE LA VILLE, PRINCIPAVLTÉ ET ABBAYE DE DÉOLZ

DEOFî.f est vne petitte ville et Principauté size sur vn petit ruisseau en pays de prairies , ayant seullement enuiron quatre cent pas de long , et n'y a qu'une grande rue , et les maisons y estans construictes et édifiez de charpenterie , elle est close et

encoinctede murailles, auec sept tours et médiocres fossez, auec deux portes, sur l'une desquelles est la tour de l'horloge. Dedans ladicle ville, du costé d'Occident, y a une fort belle et grande Abbaye de l'ordre St Benoict , laquelle est de grande estendue , et baslie de pierre de taille, et vn grand et sumplueux temple, voulté de très hauttes voultes, ayant quatre grosses tours du cosié de septentrion, et sur l'Orient vne cinquiesme à l'endroict du cœur, sur laquelle sont posées les cloches. Dans le clos de la dicte Abbaye est le logis Abbatial assez grand et mal ampoinct, les Réfecloirs, Enferm^ie , Dourtouer, et les Greniers et Celliers, ensemble plusieurs aultres petites maisons pour loger les officiers ordinaires de ladicte Abbaye. Il y a en oultre dans l'encloz de ladicte ville vne petite Eglise et Paroisse appellée S^ Germain, qui est annexe de la Cure S'« Marie, qui est aux faulxbourgs d'Orient, comme aussy l'Eglise et Paroisse S^Estienne, qui peuvent valoir chascune par an de quatre vingt à cent livres,' et sont en la présentation de l'Abbé et Prince dudict Deolz, le nom duquel est Messire Jacques Le Roy, Archeuesque, Patriarche de Bourges, Primat d'Aquitaine , et Abbé, Prince de ladicte Abbaye et Principaullé de Deolz, issu de la maison de Chauiguy, prez Chinon en Touraine, lequel , à cause d'icelle Abbaye, est Seigneur temporel et spirituel et se nomme Prince de Deolz, ayant en temporalité toute Justice, hautte, moyenne et basse sur ladicte ville et fauxbourgs, tant seullement enuiron vn quart de lieue à l'entour d'iceulx, et, du costé de Midy , sur la largeur d'un pré situé svr le fleuue d'Indre, laquelle ressortit par appel au siège Royal de bailliage et siège d'Yssouldun.