DE LA VILLE ET COMTÉ DE BVZANÇOIS

La Ville et Comté de Buzançois appartenant à Messire Léonard Chabot, cheuallier de l'ordre du Roy, et Capitaine de cinquante lances de ses ordonnances, est associée de quatre Chastellenies, et fondée en touts droicts de Comté et justice, qui ressortit directement àTours par appel, de la temporalité duquel est ladicte ville et Comté, combien qu'elle soit du diocèse et spiritualité de Bourges. Ladicte ville est close etenceincte de haultes murailles, tours, et profondz fossez, estant située en pente de montaigne sur le fleuue d'Indre, lequel, le long de son cours, arrouse plusieurs belles prairies. Entre les tours de la ville y en a vne carrée, ioignant ledict fleuue, appellée la maison forte, de largeur de sept à huit toises, en laquelle y a cinq eslages, et, au bas, des molinsà trois roues que ledict S"^ Comte y a faict faire, et qui luy sont de bon revenu. Puis, là auprez, a ses beaux jardins , et sur

lehault est le neuf Chastel, basty de deux grands pauillons, Tvn à l'Occident, et l'autre à l'Orient, accompagné d'un beau jeu de paulme , et sur le midy d'un des beaux Columbiers de France, lequel est de forme ronde, basty sur pieds, ayant pour le dedans de sept [à huict toises de diamètre et de douse à treise toises d'haulteur. Il y a encores en ladicte ville, sur le plus hault de la montaigne, vn aultre viel chastel déshabité, et vn petit Monastère de l'ordre de Ste Croix, dans lequel y a cinq ou six religieux, et vault, ledict Monastère, de reuenu enuiron 300 liures par an, et vn hospital de petit reuenu, puis l'Eglise St Honoré, annexe et filliole de St Estienne, grande Paroisse de ladicte ville, qui en est loing enuiron demy lieue. Au Septentrion est le faulxbourg Nostre Dame , auquel y a vn Prieuré , qui a aultre fois esté conuentuel , valant 500 liures de reuenu par an. Deuers l'Orient est la garenne du S""; et de l'Occident deux ponts sur ledict fleuue d'Indre; et vn grand faulxbourg sur le chemin pour aller au Beauuoir, près ledict Buzancois, qui est annexe de la commanderie de Blizon , et vault 400 liures par an.

Ladicte Ville et Comté est en pays maigre et sablonneux et peu fertile, n'ayant aucun bois qu'un petit de ladicte anexe, et le Bois de Cliaulme , qui appertient audict Seig^ Et d'icelle Comté dépend le bourg et paroisse de Hugne , au dedans de laquelle est FAbbaye de Miseraye de l'ordre St Benoist, laquelle vault enuiron 1200 liures de reuenu par an, et est fondée entre aultres biens en grande quantité de bois. Au dedans dudict Comté, près Leuroux, y a vne aultre Abbaye appellée de Landas, laquelle vault enuiron 1500 liures par an.

Dépendent aussy dudict Comté les paroisses de Chambon, de St Lactanfm , St Martin de Laus , St Pierre de Laus, Souge et celle de Menestrioul soubs le Landays, le tout assis du costé de ladicte Abbaye du Landays, et s'appellent les quatre Paroisses de Laus. Plus, la susnommée Paresse d'Herigne, la paroisse St Estienne, et la paroisse Nostre Dame, la paroisse de Baise, qui est Chastellenie, où il y a un beau chasteau fort, enuironné de profonds fossez, plains d'eaue ; la paroisse de Vandeuure et de la Barre, ou il y a vn beau grand Bourg, qui est sur le passage du Limosin, accompaigné d'un assez beau chasteau appelle Lenghonne ; la paroisse de la chappelle Artemaille, à laquelle y a maison forte, auec son parc , le tout sur le fleuue d'Indre et la

paroisse de St Pierre d'Abully, assize sur les preries, près ledict fleuue. Toutes lesquelles Paroisses sont dépendantes dudict Comté, ainsy qu'il m'a esté baillé par déclararation signée par les Officiers.