DE LA VILLE, CHASTEAV ET BARONNIE DE MAZIÈRES EN BRENNE
Mazierbs est petitte ville et Baronnie mal murée , située en pais marescageux de Brenne , sur vne petite riuière appellée la Glaise, qui découle le long d'icelle ville ; au bout de laquelle, entre iMidy et Occident, y a vn beau et grand Chasteau, accorapaigné de grands jardins et belles fontaines, le tout clos et enuironné de larges fossez , plains d'eaue de ladicte riuière. Puis du coslé de l'Orient, tirant au Septentrion, y a vn grand fauxbourg, auquel y a vne Eglise du nom de la Magdelaine , fondée de six chanoines , vn Trésorier, Vicaires et Nouices. Et en la ville y a Hostel Dieu de petit reuenu, et vne Eglise annexe de la paroisse et bourg de Sutray, distant de la ville enuiron Vne lieue, et s'y a halles couuertes pour tenir toutes les sepmaines, et deux foires l'an, l'une en May, et l'aultre au jour de la Magdelaine. Entre ladicte ville et la paroisse de Sutray y a vn bois d'haulle futaie , appellée Serleau. Tout le reste des enuirons , mesrae du costé de Midy consiste en eàues, estangs, et brumast pour le pascaige du bestail , car tout le pays de Brenne , qui contient de cinq à six lieues , ne consiste qu'en Bruyères , et plus de trois cens estangs : car de bled y en croist fort peu.
Ladicte Baronnie appartient à Messire Nicolas d'Aniou (1),
(1) Nous trouvons, au sujet de ce personnage, la noie ci-après dans le n* du 15 mars 1864, de I'Intermédiaire des chercheurs st CURIEUX (Notes and queries français) :
« Existe-l-il quelque part des portraits peints ou grarés de Nicolas > d'ANJOu , marquis de Mézières , et de Gabrielle de Mareuil , sa » femme? — Nicolas d'Anjou fut fait chevalier de l'ordre en 1560, 7> marquis en 1567. La marquise de Mézières , Gabrielle de Mareuil » est morte en 1593; elle était fille de Guy de Mareuil et do Calhe- » rine de Clermont. Brantôme la cite comme l'une des belles femmes » de son temps (Voy. éd. Buchon , II, 396) — GLA. »
Depuis que cette note a paru, M. Gariel , Bibliothécaire de la ville
Cheuallier de l'ordre du Boy, et Comte de St Forgeau , estant icelle Baronnie douée de cinq Chastellenies, et d'enuiron trente beaux fiefs, qui en relieuent. Ladicte Baronnie est du diocèse et spiritualité de Bourges, mais quant à la temporalité, elle ua à Tours.
Epitaphe estant en l'Eglise de la Magdalaine lez Mazières. Alix de Bradant, Dame de Haraucourt, d'Arscot, Chastelleraud, de Vierzon, et l'Isle Salary, fonda l'Eglise Collégiale de la Magdalaine de Mazières en Brenne, l'an Mil IW XXXIUl, et gist en ladicte Eglise , au dedans du cœur.
" CHAPITBE XLII.
DE LA VILLE, CHASTEAV, TERRE ET CHASTELLENIE d'ARGENTON.
La Seigneurie , Ville, Justice et Chastellenie d'Argenton, appartenant à Monseigneur Loysde Bourbon, Duc de Montpensier, Pair de France, et Cheuallier de Tordre du Roy, à luy aduenu par le décès de feue Madame Loyse de Bourbon , Duchesse de Montpensier, sa mère, laquelle ayant, en premières nopces, esté conioincte par mariage auec feu Messire André de Chauuigny, Baron et Seigneur de St Chartier, de Chastellet, d'Aigurande, de Dun le Palletau, de Cluys dessoubs, et de ladicte Seig"« d'Argenton, à elle délaissée tant par testament que par accord faict auec ses héritiers.
En la Seigneurie , terre et chastellenie d'Argenton, ont esté, par le passé, de fort grande sumptuositez qui , de présent, sont en ruyne, par le moyen des guerres et aultres cas fortuit, ainsy
de Grenoble , a cru reconnaître le jeune duc Nicolas d'Anjou parmi les personnages qui figurent dans un tableau de Clouet . longtemps inexpliqué , qui , suivant lui , représente Catherine de Médecis rendant visite à Diane de Poitiers, au château de Chenonceau, en 1552. — Voir, à ce sujet , Vitet {Revue des Deux-Mondes, décembre 1863), Gariel {Bulletin de V Académie delphinale, tome 3,2' partie, 1865, p. 205). •
En 1570, on publia à Paris l'ouvrage suivant : Histoire sommaire des comtes et ducs d'Anjou , depuis Geoffroy Grisegonnelie iusques à Mgr Henry, fils et frère de rois de France, et duc d'Anjou, de Bourbonnois et d'Auuergne. Par Bernard de Girard, seigneur du Haillan, secrétaire de mondit seigneur (in-8').
que le démonstre la situation de l'ancien Chastel, qui est situé et assis sur le plat d'une haulle monlaigne , et d'un roide et liault rocher, auquel se uoit vne liaulte tour antique, de forme ronde, fors vn arrest, qui est du costé qui regarde la Gascoigne, ayant en la voulte et chef d'icelle vn veau rampant ; et à nom icellede toute ancienneté la Tour d'Heracle, lieutenant en ce lieu pour les Romains.
Audict lieu, au temps de l'empereur Decius, soubs son commandement et authorité , furent liurez au martire ces deux saincts personnages, Anastaise et Marcel, Romains.
Près la tour Héracle y a vne aultre moienne tour fort ruinée, dans laquelle y a vn puits, et ioignant l'ancien chastel y en a vn moderne appelle le Neuf Chastel , clos et fermé d'haultes murailles, et deux grosses tours, le tout de pierre de taille tresdure, qui regardent sur la Gascoigne ; et une aultre forte tour du costé d'Occident. Et audict Neuf Chastel est le logis et manoir de mondict seig% accompaigné d'une chapelle fondée soubs le nom de Nostre Dame des bancs; et audict Viel-Chastel n'y est resté qu'une maison seulle , en laquelle loge le Geôlier de la prison qui est en la première tour.
Au temps du susnommé Héracle, la ville d'Argenton estoit où, de présent, est la ville et Prieuré St Marcel, estant le fleuue de Creuze entre deux ; laquelle estoit grande et riche, ainsi qu'il se pcult veoir par le circuit des vieilles murailles , dans lequel , en fouissant , se treuuent plusieurs cauernes , fontaines et cisternes cimentées et artificielles de pierres de marbre, quelques médailles antiques d'or, d'argent et de cuiure des Empereurs, Romains.
Sur le fleuue de Creuze y auoit vn pont pour aller de la ville au viel chasteau, qui estoit aussy le chemin de Limoges , Tholouse, Bourdeaux et pays de Gascoigne. Mais l'ancienne ville; d'Argenton est de présent du tout ruinée, comme aussy sont les ponts, et au lieu de ladicte ville ne se voyent que vignes et terres laborables, sauf du costé du fleuue de Creuze , où est le Prieuré St Estienne, ballant 400 liures de ferme par an, accompaigné de 20 à 25 maisons ; et sur le hault , comme j'ai dict, est édifiée vne petite ville et bon Prieuré du nom de St Marcel, le- -quel est riche et de bonne fondation ; mais les bastimens grande partie ruynez et mal entretenus , et les bois destruicts et mal
mesnagez ; et n'y faict le Prieur aucune résidence , combien qu'il luy vaille de ferme mil deux cens liures par an.
Et quant a la ville moderne d'Argenton , après les ruines de l'antique , à cause de la forteresse du Chastel qui lors esloit garny de maisons , elle auroit esté construicle il y a enuiron 160 ans , en lieu presque inaccessible à cause de la situation, ne contenant qu'enuiron 100 maisons , et de l'aultre costé de ladicte Creuze y a vn beau et grand faulxbourg, la pluspart habité des habitans d'Argenton, à cause de la plaine où il est situé, et contient enuiron 300 feux. Toutesfois fort subiect à ladicte riuière , quand elle sort de ses limites, ainsy qu'elle feist en l'an 1530, qu'elle se desborda si fort, qu'elle ruina la plus grand part de ladicte ville et faulxbourg ; la perte estimée à plus de 300,000 escus ; et souuent adulent de tels cas esdicts faulxbourgs, auquel y a vn conuent de Cordeliers, vne aultre Eglise fort ruinée, nommée StSaulueur, vne Chapelle de i'Hostel Dieu et vne aultre appellée Font Gilbert. mbd ^
Au dessus de la moderne ville, du costé de la Guienne, y a vn aultre grand faulxbourg appelle Chasteauneuf , auquel sont deux chappelles, l'vne de St lehan et l'aultre de la Magdaleine, et vne aultre , vn peu plus hault , appellée St Marc, membre dépendant du Prieuré St Marcel.
En ladicte ville et faulxbourg y a lustice haulte, moyenne et basse et Souueraine. A quatorze justices inférieures de ladicte Chastellenie, les appellations desquelles y ressortissent à la charge du renuoy quand il est requis, et que la matière y est disposée. Pour l'exercice de laquelle Justice y a Bailly, Lieutenant, Procnreur fiscal. Greffier, Preuost, Sergens, Seel aux contracts et Notaires.
Au dedans de laquelle terre , Seig"« et Chastellenie y a quatorze Parroisses ; c'est à scauoir :
La Paroisse St Estienne , auec les fiefs et maisons nobles de Chasteauneuf près Argenton, consistant en vne maison basse.
La Seig"« du Pâlit, sur le fleuue de Creuze.
La Seig"*' de Bournazeau , consistant en vne maison, bassecourt, grange, garenne, bois d'haulte.fustaye, et aultres deuoirs Seigneuriaux.
La Ville et Paroisse St Marcel, en laquelle y a lustice et , en oultre, deux Prieurez, l'vn appelle St Marin sur ledict fleuue de Creuze, garny d'vne Eglise, haulte maison , grange , boys de
haulte fustaye et vn molin sur ladicte Creuse , le tout fort mal entretenu, n'y faisant le Prieur résidence , combien qu'il vaille de ferme 140 liures par an. L'aultre Prieuré est au pont Chrestien, sur la riuière de la Bouzaine, au droict duquel y a vn pont vn raolin. Ledict Prieuré accompaigné d'vne maison valant le tout par an, de ferme, 130 liures T. (tournois).
Le Chasteau appelle le petit Broutheil, situé sur la Bouzaine , sur vne roche ayant murs, tours, fossez et pont-leuis.
Sur ladicte riuière de la Bouzaine , vn aultre chasteau fort excellent appelle Chabinet, bien basty auec deux bouluards , doubles fossez, à fond de cuue, cinq tours et ponts leuis, auquel liea y a Justice inférieure dudict Argenton, et peult valoir, ladicte terre et S"*, de sept à huict cens liures d'assence par an.
La Parroisse de Chassonneil , en laquelle n'y a aultre Justice que la supérieure d'Argenton, sauf que le S"* du Sollier a justice inférieure dudict Argenton sur partie des habitans de son village. En ladicte Paroisse y a vn Prieuré appelle Vexieres , dépendant de l'Abbaye Nostre Dame deVarennes, près Neufuy St Sépulchre, auquel y a vne chapelle ruinée, valant, ledit Prieuré, 200 liures de ferme par an.
Le Chastel et terre de Montdusson, duquel dépendent trois ou quatre fiefz , tenus en arrière fief de la grosse tour d'Argenton.
Le lieu noble de la Chaulme d'Eclipte, enerué de la Seig"* de Chabenet sur la Bouzaine.
Vn aultre petit lieu noble , appelle la Philippiere, sur le ruisseau appelé Bouzantel ; et vne aultre maison noble sur le mesme ruisseau, appelle les Espinettes.
Le Chastel et Seig"« du Sollier, sur le mesme ruisseau, auquel lieu y a justice telle que dessus.
Plus, sur la Bouzaine , y a trois aultres lieux nobles, appeliez le hault Cluzeau et la salle de Cluseau.
La Ville de St Gaultier sur Creuze , en laquelle y a Prieuré et vn Curé, ledict Prieur ayant justice moyenne et basse. Ledict Prieuré consistant en vne Eglise et grand logis imparfaict, presque ruiné , n'y faisant le Prieur demeurance ; et si vault ledict Prieuré de ferme plus de 1300 liures par an.
Ladicte ville de St Gaultier contient de cent à six vingt feux ; et hors la ville a vn Hostel Dieu , et vne chappelle ; et sur la riuière souloyt auoir vn pont de pierre, composé de cinq ou six
arcs, lequel fut ruiné comme celuy d'Argenton, par rimpétuosité du fleuue de Creuze, en l'an 1530. aif
Le terroir dudict St Gaultier, qui est sur contand , prodoict le plus excellent vin de tout le Berry.
La Paroisse de Chistret sur Creuze , en laquelle y a vn aultre Prieuré appelle Chistret, qui est petite valeur; et près iceluy, vne petite maison noble appellée Bois Marmain , estant de la Paroisse de Riuarennes.
La Paroisse de Riuarennes , laquelle est des deux costez de la riuière, en laquelle y a vn petit Prieuré assez bien entretenu , valant enuiron 180 liures par an.
Du costé de la ville St Gaultier sont encores les lieux nobles des Chezeaulx, de Terrière, Plimpinard et la Salliuache.
Et du costé de la susdicte Parroisse de Riuarennes est le Chastel de la tour de Riuarennes ; et près icelle , ioignant la Creuze, sont les lieux/nobles de Rechinoulx et Barneufue; et à demye lieue dudict Riuarennes , en la mesme Paroisse, sur les limites et fins de la Chastellenie d'Argenton , est le lieu noble de Villeneufae courainx.
Le Bourg et Paroisse de Thenay, vis à vis la ville St Gautier, et les lieux nobles de Conuines, de l'Ile et de Mirzet.
La Paroisse de Luzeret, en laquelle y a lustice ressortissant audict Argenlon, et y a chastel et maison forte, de laquelle Seigneurie est dépendant vn fief appelle Laude, qui a droict de justice subalterne comme dessus.
En ladicte Paroisse, le Commandeur de la Laude faict exercer jurisdiction en vn village appelle le Bourg St Marceau, laquelle est aussi inférieure. Et en ladicte Paroisse y a vn prieuré appelle le Lieu-Dieu, lequel vault enuiron 200 liures par an, et y est le Prieur résidant.
La Paroisse et lieu noble de St Syuran l'église. En ladicte Paroisse sont troys lustices subalternes dudict Argenton, l'vne pour le S"" dudict St Syuran, l'aultre pour le S»" de Chassin Grimont, et le troisiesme pour le Seig"" d'Ablour.
La .Paroisse de la Chappelle St Gilles , qui est Prieuré Cure , l'Eglise d'icelle enclose en vne Mothe, et y a justice subalterne, appartenant à mondict Seigneur de Montpensier; mais n'y a nul chastel. Le Prieuré vault de 100 à 120 liures par an.
La Paroisse et Chasteaufort de Chazelet , en portion de laquelle y a justice inférieure de la supérieure d'Argenton. Au
dessoubs du parc de laquelle est la maison noble de Quinquempois.
La Paroisse de Vigo, en laquelle y a Prieuré séparé de la Cure, accompaigné d'une maison pour le Prieur; le tout mal entretenu, par ce que puis trente ans les Prieurs n'y ont faict aulcune demeurance. Ledict Prieuré vault du moins 500 liures par an.
En ladicte Paroisse est la maison noble de Villebux, maison fort ancienne, assisse survn rocher, et vne aultre noble appellée Ponseul, ancienne et fort ruinée; et vne aultre appellée Vaufongier; et ioignant icelle la maison de la Vau, qui a esté éclipsée de ladicte maison de Vaufongier.
La Paroisse et maison forte de Celon , en laquelle y a justice subalterne dudict Argenton. /^ ,1/
En ladicte Paroisse y a encores la maison forte de Villenè Audraneau.
L'enclaue de la Paroisse de Ceaumol , l'église estant en*la terre et chasteau de Gargillesse, en laquelle enclaue est la maison noble de la Molhe de Villarnoutz, et la S"** de La Forest.
La Paroisse de Chanain en laquelle y a vn petit Prieuré appelle Verneuil, tout ruiné et abbatu, maison et tout, et vault du moins 140 liures par an.
En ladicte Paroisse est l'Eglise principale dudict Chanain , et à cause de la longueur d'icelle y a vne annexe et filiolle en vn village appelle le Puichebeau ; et vn autre village appelle le Menour, et dure ladicte Parroisse jusques à la Paroisse dudict Argenton, du costé du faulxbourg qui est de l'Orient. En laquelle Paroisse est la maison noble de La Fosse, sur le fleuue de Creuze . et la maison noble dudict Menour, la maison noble de Prugnecorault et celle de Viuiers, et de touts les susdicts Prieurés, mondict Seigneur est fondateur, ayant esté fondez par les Seigneurs de Chauuigny, S" dudict Argenton et des aultres lieux cy dessus nommez, ainsy que, par les officiers du lieu, Bailly, Lieutenant, et Procureur fiscal dudict Argenton, m'a esté baillé et déliuré.
— 8(^ — CHAPITRE XLÏII.
