DE LA VILLE DE LA CHASTRE EN BERRY
LA CHASTRE en Beri'y est Ville de médiocre grandeur, Tune des belles, plaisantes et bien assises du Berry, et habitée d'un peuple fort gralieux et ciuil , dans l'enclos de laquelle ville est le Chaste), consistant en vne grosse et haulte tour carrée , accompaignée d'une court et quelque aullre peu de logis ; le tout situé sur le fleuue d'Indre, en fort belle et plaisante assiette, en pais gras et aquaticq de l'un des costez; mais de l'aultrepart qui est entre le Midy et l'Occident, c'est pays sec, pour le passage des moutons et brebis, auec grande qvanlité de bois ; et n'est, ladicte ville , distante de la haulte Marche que de quatre lieues tant seullemenl.
Ladicte ville est close et murée de bon murs, tournelles et profonds fossez, au tour de laquelle y a troys beaux portaux , l'un du nom de Nostre Dame, l'aultre de St Jacques, et l'aultre le portail St Germain ; et au milieu delà ville vne belle et plpisante place ; et auprès d'icelle les grandes halles couuertes, ausquelles se tient le marché touts les sabmedis , et quatre foires franches touts les ans. Il y a aussy vn Collège de Chanoines, vn Prieuré et Cure appelle l'Eglise St-Germain, fondez par les Seigneurs de Chauuigny, prédécesseur du sieur Aumont, seigneur de ladicte ville de la Chastre, et Baron de Chasteau Roulx, à cause de feu dame Françoise de Maillé, son ayeulle. Il y a encore vn couuent de Carmes, et les chappelles St Jehan etSt Pierre.
Hors ladicte ville, près le grand cimitière, est l'Hostel Dieu , dict de la Trinité, lequel est bien logeable et bien meublé pour recevoir les panures malades et indigens, et audict cimitière est la chapelle St Berthomier, et vn peu plus auant que le portail St Jacques, dedans le Faulxbourg, est la Maladerie et chappelle St Ladre, ou se tiennent les panures Lépreux.
Ladicte ville et terre de la Chastre est en tiltre de Chastellenie, tenue en foy et hommage de la susdicte Baronnie de Chasteau Roulx, et en icelle y a toute justice, haulte , moyenne et basse , pour l'exercice de laquelle y a Bailly, Soubsbailly, Procureur fiscal, Greffier, Sergent, Notaires et seel aux contracts ; et se déuoluent les appellations desdicts juges de la Chastre , par deuant le Bailly de Berry, ou son lieutenant à Yssouldun.
En ladicte ville y a Comptoir et Tablier pour la recepte des deniers et tailles du Roy, à cause de la seurté et forteresse d'icelle ville, ou sont apportez les deniers de 120 Paroisses, lesquelles, quoy que ce soit la pluspart d'icelles, sont subjectes en juridiction au siège des esleus, ou leurs lieutenants establiz en ladicte ville de la Chaslre , en laquelle y aussy Grenier ou Chambre de sel. ' • '}- >:i;t&
