A LA ROYNE

MADAME. Pour satisfaire au commandement qu'il pleust à F. M, me faire en vostre chasteau de Molins, de réduire et mettre par volumes les Cartes et descriptions géographiques que ie feroye de chasque Prouince de ce Royaume , suiuant la charge et cornmission qu'il vous auoit pieu auparauant m'en faire expédier, i'ay aduisé pour rendre Vœuure plus belle et moins imparfaitte ; mesme pour leprof^ct et vtilité grande qui en pourra reuscir au Roy et au public, qu'il ne serait point mal séant d'accompaigner icelles Cartes d'vnne description en forme d'histoire tant générale que particulière de la situation, nature, fertilité , limites et confins de chasque Province, de la naissance et cours des fleuues , de la grandeur des forests et buissons ; comme aussy du nom, assieste , antiquité, police, gouuernement , iustice , foires, marchez, et commerces des villes , chasteaux, bourgs et parroisses , et tout d'unhe suitte de l'estendue des Justices roy ailes , Bailliages , Seneschaussées, Préuostez, et Chastellenies ; et pareillement des Elections, Greniers à sel , Domaine et nombre des Officiers; ensemble des fiefs tenus en foy et hommaige du Roy, auec l'origine, progrès et antiquité des maisons nobles et plus illustres, desquelles (comme d'un ferme bastion et rampartj dépend la protection et deffence de ce Royaume. Et s'y pourra en cours voir l'estendue des diocèses, les noms, fondations, et domaines des Abbayes, Prieurés, Monastères, Commanderies , Eglises collégiales , Cures , Hospitaux, Maladeries et aultres bénéfices. Et oultre plus, les pour traicts et plans retenez des plus notables villes et plans des frontières. De manière , MADAME , que s'il plaict au grand conducteur de touttes œuures me donner la grâce et à V, M, le moyen et le pouuoir de venir à chef d'un ceuure tant importante au Roy et à ses subiects , la M,

du Roy et la Vostre se pourront vanîi^r d'auoir vn trésor inapréciable dans leur cabinet , par lequel (sans voyager plus loingj quand vostre plaisir sera, ou la nécessité le requerra , pourrez facillement, et l'un et l'aultre, en peu de temps, en peu de lieu, et sans grande despence, voir à l'œil, et toucher au doigt en particulier et en général, toutte l'es tendue, grandeur, force, et estai de tout le Royaume, Pour à quoy donner quelque acheminement, je me suis délibéré de vous présenter icy au naïf la Prouince et duché de BERRY, laquelle fut auUrefoys des plus célèbres de la Gaule celtique; labeur qu'il plaira à V. M. receuoir comme premier eschantillon de mon entreprise, de tel cœur qu'il vous est offert. Vous asseurant, que s'il vous plaid me faire ta,nt d'honneur de fauoriser mon dessein que ie feray œuure, si non digne de Vostre grandeur, prouidence et haultes entreprinses , pour le moins recommandable à nos suruiuans, enuers lesquels vostre grandeur reluira perpétuellement ; pour vous estre entré en V entendement d'auoir voulu la première par vn braue discours esclarcir ce qui au parauant a esté (si ainsy le fault dire) enueloppé dans les ténèbres de lanuict, desquelles MADAME, tout ainsy que par vostre prudence auez garantie ceste France iusques a huy ; aussy prieray-ie le Créateur de tout l'Vniuers, qu'il veuille tousiours conduire et maintenir vos sages conseils de bien en mieux , à l'exaltation du nom du Souuerain Dieu , aduancement de la M. du Roy, et la vostre, et contentement de tous ses subiectz ,

■'^: 'y ,r-^' De V. M.

le treshumble et tresobeissant seruiteur,

N. DE NicoLAY, daulphinoys, Géographe ordinaire et Varlet de Chambre du Roy.