DESCRIPTION GENERALE
TPjx r*ays et Du.cli6 dLe Berry
Le pays et duché de Berry est Prouince tresfameuse d'Aquitaine, située au milieu de la France, en bon et fertile pays, abondant en tout ce qui est nécessaire à la vie de l'homme ; le peuple de laquelle (selon la diuersité des temps) a esté nommé de diuers noms. Car ceux qui ont voulu chercher les choses de bien loing, les ont appelez Bitugigeois, du nom de Noé, grand sacrificateur, lequel , aussy, s'appelloit Ogyges. Mais Pline, en son livre IV, chap. 19, et Strabo, au IV« de sa Géographie, les nomment Biturigeois cubes et libres, en tesmoignage de leur ancienne liberté. Aultres les ont appelez lolces , du nom d'/o/cus, filz d'Amycus , qui fut filz de Saturne et de la nymphe Melies. Car lolcus fut le premier qui leur aprint l'art de pasturage (à cause de l'abondance des bestes à laine qui se nourrissent en ce pays] et qui, pareillement , érigea les premières armoiries en tiltres de noblesse à ceux de Bourges (qui sont : d'azur dentelle de gueulles, à trois moutons d'argent). De ce lolcus issit Hermain lequel édifia trois forteresses à Bourges , dont la première fut l'ancien chasteau, duquel à peine l'on voyent aucunes vestiges. L'aultre fut au lieu de la fosse aux Arènes, et la troisiesrae sur le mont Hermain, laquelle fut ruinée par Cœsar, après la prinse d'Auaricum, et, depuis, par le laps de temps, fut redifié sur les vieux fondements, pour seruir de forteresse à la cité. A Hermain succéda son filz Cubes , du nom duquel les Biturigeois furent appelez Cubes. Mais par Jul. Cœsar (qui tant esprouua leur vertu et hardiesse), au \1P de ses Commentaires delà guerre des Gaules, furent appeliez Berruyers , nom qui iusques auiourdhuy leur est demeuré.
Ceste Prouince, du costé d'Orient, a pour ses confins le fleuue de Loyre qui la diuise d'auec les villes de Charité, Cosne, Bony, Briare et Gien, et du pays de Heurepois. Du septentrion elle est séparée de la Souloigne par les bourgs et parroisses de St-Gondon , Poilly et Coulons , et par le cours de la grande Sauldre, laquelle passant à Romorantin, vn peu plus bas que le
pont de Sauldre, se va ioindre au fleuue de Cher. De l'Occident elle adhère a la Conté de Bloys, par les villes de Selles en Berry et St-Aignan , et confine au païs de Touraine et de Poictou par les bourgs et parroisses de Chasteau-Vieux , Lucay-le-mal , Escueilly, St-Marlin du Verton , et St-Syuran du Jambot qui est sur la riuière d'Indre; puis par une lettre la riuière, St-Sorlin, et Aubeterre, qui, louttes , sont du Berry et près la ville de Prully qui est de Touraine, et de rechef par St-Martin de Tournon et l'Abbaye de Fontcornbault qui est sur la petitte Creuse, iusques au Blanc en Berry, Belabre et Chablay, et iusque à la riuière de Begu qui diuise le Poictou d'auec la Marche du Limosin, laquelle est séparée du Berry par le cours de la riuière de Creuse, depuis Curion iusques à l'Abbaye de Prabenoict, laquelle est de la Marche , combien qu'elle soit enclauée dedans le Berry. Puys retournant derechef vers l'Orient, le Berry est encore diuisé d'avec le Bourbonnois par les villes, bourgs et parroisses de Parsat (qui est limitrophe de la Marche), Belle-Faye, ville ruinée, à présent n'y a qu'un chasteau, La Vaulx, riche commanderie de Malte , St-Saulnier, qui est partie de Berry et partie du Bourbonnais, St-Pierre le Boust, Juvigny, St-Pallaix , qui participe du Berry et du Bourbonnois, St-Heloy, Sideale, Vedun, St-Christofle le Chaudery, laCelette, Fauardines, partie de l'oye et son quartier, Marcay, Nouzières, Vallenay, Chasteau-Neuf-sur-Cher, la Celle, qui est moictié de Bourbonnois, Verneul, Cougny, Thaulmier, Neully, St-Agnydes-Noyers, qui tient du Berry et du Bourbonnois, Poligny, Champeaulx, partie de Poligny, Lurcay-le-Sauvage , Augy-surles-Bois, Jouy, Xancoing, Girardon, Challeuoy-Millon,Sanceaux, Ouzouer, Cornuces , Omery, Jussy, Baugy, Saligny-le-Vyf , Verrières, Chaulay, l'Abbaye de Fontmorigny, Berlieres, Menestou- Cousture, Pressi, St-Martin-des-Champs etSt-Sulpice-sur-Loyre, qui est au droict de la Charité ; qui sont les vray confins et estendue du pays et duché de Berry.
Leocade, proconsul de Rome et gouuerneur de la Gaule Aquitanique lorsque les Romains la possedoient, diuisa ceste prouince en deux parties, dont celle qui s'estend depuis le fleuue de Loyré iusques à la riuière d'Ouartier, laquelle, à trois lieues de Bourges entre dedans le fleuue d'Eure , il nomma le hault Berry, lequel il donna pour partage a vn sien filz nommé Caremuzelle, Et Taultre partie qui comprent depuis le fleuue de
Cher par St-FIorent iusques à la riuière de Creuze, il appella le bas Berr y, qui est le lieu , où , premièrement, il établit sa clemeurance, et y édifia le cbasteau de Deolz, lequel enfin il délaissa à son aultre filz nommé Luzor, et depuys par succession de temps paruint à vn nommé Ebbes , prince de Deolz , duquel comme ie diray en son lieu sont descenduz les Barons et Seigneurs de ChasteauRoux , qui furent anciennement seigneurs du Bas-Berry et de toutte la terre deoloise.
La prouince Biturigienne a , de longitude, du Midy au Septentrion, assauoir depuis Parsat , dernière parroisse de Berry, confinant à la Marche du Limosin , iusques à Condon sur Loyre, Irente-huict lieues communes, à les prendre par droicle ligne ; et de largeur de l'Orienta l'Occident, qui est depuis Champeaulx, limitrophes du Bourbonnois à St-Syurain du Jambot qui sépare ledit Berry d'auec la Touraine , environ trente trois lieues , et de tout circuit cent septante lieues. Et sa plus haulte élévation par dessus la ligne équinoctiale est de quarante six à quarante sept degrez, estant sur la fin du sixiesme climat.
