XX INTRODUCTION

(Au dos :) Lettres de Mons r de Mandelot en

faveur de Henry Estienne.

(Suscription :) A Messieurs Messieurs les Scindicq et Conseil

de la ville de Genève.

A Genève.

Messieurs, Ayant receu lettres du Roy par lesquelles il m'aurait très expressément commandé assister le s* Henry Estienne en toutes les occurrences et occasions qui se présenteraient et l'avoir pour recommandé, je n'ay peu moings faire que vous escrire ce mot. D'autant que j'ay esté adverty de auelque faulx bruict qu'on aurait semé à rencontre de luy, je ïuy ay conseille ne se mectre au dangier d'une telle callompnie. Et combien qu'il m'ayt asseuré avoir fait pour vous tous les bons offices à luy possibles , depuis qu'il est party de vostre ville, mesmement pendant qu'il a esté à la Court, et le vous pouvoir bien clairement faire congnoistre, mon advis n'a esté qu'il retournast vers vous sans avoir entendu, par mon moyen, quel vouloir vous avez en son endroict et si vous n'entendez pas qu'il puisse en toute liberté vous rendre compte de ses depportemens, si besoing est; et pour cest effect, avoir de vous ung saulfconduict, lequel, je m'asseure, vous ne vouldrez luy remiser, affin que ceulx qui se sont avancez de parler de luy autrement qu'ilz ne debvoient soyent contrainctz de ce faire, et qu'il ne puisse doubter de sa seureté, laquelle je luy souhaitte d'autant plus affectionnement que je sçay que le Roy, qui désire favoriser les bonnes partyes et qualitez qu'elle (sic) a congneues en luy, aurait très grand desplaisir que ny là ny ailleurs il fust mal traicté et autrement qu'il ne mérite ; qui me fait vous prier voulloir effectuer ce que dessus. Et si , en cas pareil ou plus grand , j'ay moyen de m'employer pour vous, Je le feray de très bon cueur. Je vous eusse envoyé ung homme exprès pour vous porter la présente, mais s'estant offert la commodité de ce chassemarée qni s'en va par de là, j'ay advisé de la vous envoyer