POÉSIE LYRIQUE FRANÇAISE

Le temps a laissié son manteau De vent, de froidure et de pluye, Et s'est vestu de brouderie, De souleil luisant, cler et beau.

Il n'y a beste, ne oyseau, Qu'en son jargon ne chante, ou crie l Le temps a laissié son manteau De vent, de froidure et de pluye.

Piivière , fontaine et ruisseau Portent, en livrée jolie Goûtes d'argent d'orfaverie.

Chascun s'abille de nouveau.

Le temps a laissié son manteau De vent, de froidure et de pluye.

Charles d'Orléans (mort en 14G5).

DIZAIX.

A la reine de Navarre.

-Mes créanciers, qui de dixains n'ont cure, Ont lu le vostre, et sur ce leur ai dict : « Sire Michel, sire Bonaventure, La sœur du Boy a pour moy faict ce dict. » Lors eulx, cuydant que fusse en grand crédit, M'ont appelé Monsieur à cry et cor, Et m'a valu votre escript autant qu'or, Car promis ont, non seulement d'attendre, Mais d'en prester (foy de marchant) encor, Et j'ay promis ffoy de Clément) d'en prendre. Clémcxt Marot (mort en 1544).

Je vous envoyé un bouquet que ma main Vient de trier de ces fleurs épanies ; Qui ne les eust à ce vespre cueillies, Chcutes à terre elles fussent demain.

Cela vous soit un exemple certain Que vos beautez, bien qu'elles soient fleuries, En peu de temps cherront toutes flaitries, Et, comme fleurs, périront tout soudain.

Le temps s'en va, le temps s'en va, ma dame; Las! le temps, non, mais nous nous en allons, Et tost serons estendus sous la lame,

Et des amours desquelles nous parlons, Quand serons morts, n'en sera plus nouvelle. Pour ce aimez-moi, ce pendant qu'estes belle. Ronsard (mort en 1585).