A VENUS

)YANT après long désir

Pris de ma doulce ennemie Quelques arres du plaisir, Que sa rigueur me dénie,

Il6 DIVERS JEUX RUSTIQUES

Je t'offre ces beaux oeillets.

Venus, je t'offre ces roses, Dont les boutons vermeillets, Imitent les lèvres closes,

Que j'ay baisé par trois fois, Marchant tout beau dessoubs l'ombre De ce buisson, que tu vois :

Et n'ay sceu passer ce nombre,

Pour ce que la mère estoit Auprès de là, ce me semble, Laquelle nous aguettoit :

De peur encores j'en tremble.

Or' je te donne des fleurs :

Mais si tu fais ma rebelle Autant piteuse à mes pleurs, Comme à mes yeux elle est belle,

Un Myrte je dedieray Dessus les rives de Loyre, Et sur l'escorse escriray Ces quatre vers à ta gloire :

Thenot sur ce bord icy, a venus sacre et ordonne

Ce MYRTE, ET LUY DONNE AUSSI

Ses troppbaux et sa personne.

ESTRENE D'UN TABLEAU

jE tableau, que pour t'estrener, Isabeau, je te veux donner, Au vif rapporte mon visage Autant qu'on vid onques image.

Qu'ainsi soit, regarde, Isabeau, Comme je semble à mon tableau :

La couleur du portraict est blesme.

Et la mienne est tousjours de mesme :

Sans cucur il est, sans cueur je suis, Je n'ay point eu de cueur depuis.

Qu'amour l'oslant de ma puissance.

Le meit soubs ton obéissance.

Il est muet, si suis-je moy.

Quand je me trouve devant toy.

Bref, qui nous void, voir il luy semble Deux Amans, ou tableaux ensemble.

Nous sommes différents d'un poinct, C'est qu'amour ne le brusle point.

Et quand il sentiroit la flamme, (Comme tout par ton œil s'enflamme) Ainsi que de moy malheureux Son mal ne sera langoureux.

Et les flammes continuelles Ainsi n'ardront point ses moelles :

Au premier feu qu'il sentira, Soudain en cendres il ira.

Il8 DIVERS JEUX RUSTIQUES