VILLANELLE

^N ce moys délicieux,

Qu'amour toute chose incite, Un chacun à qui mieulx mieulx

La doulceur du temps imite,

Mais une rigueur despite

Me faict pleurer mon malheur.

Belle et franche Marguerite,

Pour vous j"ay çeste douleur.

Dedans vostre œil gracieux Toute doulceur est escritte, Mais la doulceur de voz yeux En amertume est confite.

Souvent la couleuvre habite Dessoubs une belle fleur.

Belle et franche Marguerite, Pour vous j'ay ceste douleur.

Or puis que je deviens vieux, Et que rien ne me profite, Désespéré d'avoir mieulx, Je m'en iray rendre hermite.

Je m'en iray rendre hermite, Pour mieulx pleurer mon malheur.

Belle et franche Marguerite, Pour vous j'ay ceste douleur.

Mais si la faveur des Dieux Au bois vous avoit conduitte, Où, despéré d'avoir mieulx, Je m'en iray rendre hermite, Peult estre que ma poursuite Vous feroit changer couleur.

Belle et franche Marguerite, Pour vous j'ay ceste douleur.