CHANT DE L'AMOUR
ET DE l'hYVER
jRES, que mon Roy s'efforce Malgré Thyver et la force D'Orion le pluvieux, De suivre l'heur de sa gloire, Et l'honneur de la victoire Que luy promettent les Dieux,
Amour suivant l'entreprise De sa despouille conquise M'a guidé jusques icy:
Où sa deité compaigne
Suit par la veuve campaigne Et mes pas, et mon soucy.
Les longs souspirs de ma plaincte, Dessus la plaine depeincte S'en volent de toutes parts, Et des vents l'haleine forte Evanouis les emporte Parmy ce grand vague espars.
Ponthus, que l'amour affole D'une erreur sainctement foie, Ponthus, l'honneur Masconnoys, Et toy, le plus grand qu'on voye, Dont le sainct Myrte verdoyé Dessus le bord Vandomoys :
Si encore vous allume La fureur, qui vostre plume Ballança d'un vol si hault, Empennez les flânez de celle Qui tire une plus basse aile, De peur de prendre le sault.
Si autrefois j'ay faict dire Au gay fredon de ma lyre Le printemps d'une beauté, Il fault, il faut à ceste heure Qu'éternellement je pleure L'hyver d'une cruauté.
Puis qu'esloingnant la lumière De la beauté coustumiere D'estre un soleil à mes yeux, Je sens ma triste pensée Ardentement englacée D'un Aquilon furieux.
L'Astre, dont la saincte flamme Au plus joyeux de mon ame Pluvoit un printemps de fleurs, Plus ne gresle en mon courage Qu'un perpétuel orage Et de souspirs cl de pleurs
Les pleurs et souspirs ensemble Que sur la plaine j'assemble, Croissent la pluie et les vents ; Et les pcnsers qui me gèlent, En mon estomac ne cèlent Que sanglots s'entresuivants.
Plus dru que ne chet la gresle.
Qui en pétillant se mesle Aux ondoyans tourbillons.
Quand la fureur de la bize Casse, arrache, froisse, brise L'honneur des jaunes sillons.
Plus furieuse ne vente
L'impitoyable tormente,
Que deux vents contraires font,
Que diversement m'agitent
Mille souciz qui habitent
De mon cueur au plus profond.
Mais quelque soing adversaire Qui s'oppose à son contraire, Amour est tousjours vainqueur :
Tousjours celle qui me lyme, Tient de mes pensers la cyme, Comme Royne de mon cueur.
Ainsi les eaux des montaignes, Soudaine horreur des campaignes, Vont un grand fleuve animer : Luy, qui d'une vive source Pique une plus brave course, Les emporte dans la mer.
Bien que l'œil, qui tout regarde, Œil, de qui par la lampe darde Les rayons de nostre jour, N'ait rien veu encor' au monde, Qui perdurable se fonde D'un immuable séjour :
Si void-il tousjours ma peine Opiniastre et certaine, Soit que du blanc ravisseur Il dore la riche corne.
Soit qu'il entre au Capricorne Par le cercle traverscur.
138 DIVERS JEUX RUSTiaUES
Dédaignant la face veuve De la terre autrefois neuve, Le chef vieillart des forests, Des prez la toison mouillée, Et la plaine despouillée Du blond honneur de Cerès.
Comme autrefois la nature Au plus gay de sa peinture Me figuroit les beautez.
Dont le printemps de ma dame Faisoit esclorre en mon ame Mille belles nouveautez :
Ainsi le ciel me r'apporte Avecques la saison morte Une mortelle froideur, Pour estre eslongné de celle, Dont la divine estincelle, Tient ma vie en sa verdeur.
Je ne V07 roc, ny montaigne, Pré, rivière, ny campaigne.
Bois, ny solitaires lieux, Antre, ruisseau, ny fonteine, Qui la face de ma peine Ne représente à mes yeux.
Je me plaings de ta nature.
Amour, veu que ta poincture N'epoinçonne les oyseaux
Fors en la saison nouvelle, Lors que ta flesche cruelle Sonde le plus creux des eaux.
Mais ta cruauté félonne Tousjours, tousjours m'aiguillonne D'un perpétuel retour, Soit au temps de la froidure, Soit que la jeune verdure Déride le front du jour.
Heureux trois fois, voire quatre, Le soldat qui va rabattre D'Espagne le brave effort.
Et qui loing de sa province Devant les yeux de son prince S'acquiert une belle mort.
Heureuse, ô heureuse encore
La vive mort, qui décore
Les indontez Chevaliers,
Qui sur un mont de gendarmes
Tumbent soubs le faix des armes
Au plus espais des milliers.
Voz morts to\isjours honnorées Seront des vostres pleurées, Mon Roy vous regrettera :
Des-jà la France en souspire.
Et la Vandomoyse lyre Vostre vertu chantera.
Mais moy chetif, qui demeure, Helas ! il fault que je meure Non devant les yeux des Roys, Sur la guerrière campagne, Rouge du sang de l'Espagne, Mais soubs l'horreur de ces bois,
Bois tristes, et solitaires.
De ma peine secrétaires,
Où l'Amour, qui me conduit.
Au plus chauld de ses allarmes
Baigne souvent de mes larmes
L'humide sein de la nuict.
Là je resonge sans cesse L'heureux soir, que ma Déesse Lisoit la carte des cieux, Au doigt me monstrant la face De mille flambeaux, qu'efface Le double feu de ses yeux.
Là le tyran de ma vie Sur ma liberté ravie Exerce cent mille torts, Là, là, ma douce guerrière Sourde à ma vaine prière Me livre cent mille morts.
Je voy la fuyante suyte D'une eau sillonnant sa fuyte Au pic d'un rocher moussu.
Fendant le doz d'une prée Estroitement emmurée D'un double tertre bossu.
Sur l'un quelquefois ondoient Mille sillons, qui blondoient, Sur l'autre sont les murs vieux, Hideux de ronces, et d'hierre, Séjour, qui le tige enserre De mes maternels ayeux.
Là mes cendres je dédie.
Mais à ces fleurs je supplie, Et à ces herbes aussi, Au myrte, au laurier encore, Et à l'arbre, qui m'honore, Ne croistre jamais icy.
Jamais n'y croissent les roses, Ny les fleurettes descloses :
Jamais le rousoiant miel N'y coule dessus ma tumbe :
Ou si quelque chose y tumbe, Que ce soit l'ire du ciel.
Que les oiselets s'y taisent.
Que les ruisseaux s'y appaisent.
Que l'an veuf de fleurs et fruicts Autre saison n'y r'ameine, Sinon l'horreur de ma peine, Et l'hyver de mes ennuis.
142 DIVERS JEDX RUSTIQ.UES
Au croc d'une vieille souche, Qui d'un doz courbé se couche Dessus le front de ces eaux.
Soit ceste harpe attachée, Indigne d'estre accrochée A ces jeunes arbrisseaux.
Vous donq' troppe Delienne, Et vous l'Acidalienne, Cherchez ailleurs voz esbas.
Faunes, Satyres, Dryades, Pour trépigner vos aubades N'apportez icy voz pas.
Mais si quelqu'un d'aventure Sur la triste sépulture D'un pas errant est guidé, Ces vers il y puisse lire Engravez soubs une lyre, Sur l'escorce au front ridé :
C'kstoit la lyre angevine D'un que sa toutb-divine A conduit au dernier poinct.
Par une ennuieusb absence,
POURCE qu'il n'eut LA PUISSANCE De VIVRE, ET NE LA VOIR POINT.
