ET DU PRINTEMPS
5cY je ne chante pas
De Mars la guerrière troppe, Ny les horribles combats Des deux Seigneurs de l'Europe.
Quelque plus heureux sonneur Sonne Timmortelle gloire, Qui doit consacrer l'honneur De la Françoise victoire :
Chante l'Aigle abandonné De son Espaigne fuytive, Et le Croissant couronné Menant la guerre captive.
Ce pendant la saincte erreur
D'une deité plus forte
Dira la doulce fureur,
Qui hors de moy me transporte.
Amour le premier des Dieux Formant ceste masse ronde, D'un discord mélodieux Lia les membres du monde.
Le ciel courbe il estendit Dessus la terre abaissée, Et la terre en l'air pendit D'une rondeur balancée.
D'un ordre perpétuel Il entretient et dispose Par un désir mutuel L'espèce de toute chose.
D'Amour soyez donq' mes chants, A fin que dessus voz ailes Je raze la fleur des champs Des neuf filles immortelles.
Autant que me semble doulx Le traict de ma flamme vive, Autant, mes vers, soyez-vous Remplis de doulceur naïve.
Le blanc taureau ravisseur Dore la saison nouvelle,
Et en nouvelle douceur Mon amour se renouvelle.
Si les joyeux oyselets Dessus les verdes fleurettes, Et par les bois nouvelets Degoysent leurs amourettes,
Pourquoy ne diray-je aussi Le seul plaisir de ma vie, Puis qu'amour le veult ainsi, Et que le ciel m'y convie ?
Le flambeau, dont les chaleurs Ardent l'antique froidure, De mille sortes de fleurs Repeingt la jeune verdure :
Et le Dieu, qui mes désirs Brusle d'une saincte flamme, Mille sortes de plaisirs Replante dedans mon âme.
Tout ce, qui l'hyver s'est veu Morne, transi, froid et blesme, Sent maintenant ce doulx feu, Et moy je suis le feu mesme.
Des fleuves les piedz glissans Frappent leurs plus haultes rives, Et les sommetz verdissans Rchaulsent leurs testes vives :
Des-jà les seps tournoyans Autour des branches verdoient, Jà les verdz sillons ployans Par les campaignes ondoient,
Bacchus, Priape, et Cerès, Paies, Vertumne, et Pomonne, Et chaque Dieu des forests Se prépare une couronne.
Tel fut le siècle doré, Tel sera le nostre encore Dessoubz le sceptre honoré De Henry, qui le redore.
Despouillant de ses butins La monstrueuse ignorance, Pour accabler les mutins Dessoubz les bras de la France.
O de quel bien redoublé L'Europe sera saisie.
Si son repos n'est troublé Par le tyran de l'Asie !
Lors je seray le tesmoing D'une victoire si belle, Ce pendant un autre soing Plus doulcement me r'appelle.
Amour, si ta deité.
Des deitez la plus saincte,
Fut dès ma nativité
En moy divinement peincte :
Si tu es tout bon, et beau, Et si tu m'as faict notoire, Que ton céleste flambeau Ne jette point flamme noire :
De quelle riche couleur Peindray-je ma poésie Pour descrire la valeur Que j'ay sur toutes choisie ?
Tous les verds trésors des cieux, Riche ornement de la plaine, Représentant à mes yeux L'object de ma doulce peine.
Je voy dedans ces œillets Rougir les deux lèvres closes Dont les boutons vermeillets Blesmissent le teinct des roses.
Je voy pallir dans ces lis, Qui en longueur se blanchissent, La nege des doigts polis.
Qui en dix perles finissent.
Voyant sur nostre séjour La belle aulbe retournée, Pour serener d"un beau jour La lumière nouveau-née,
Je voy le blanc, et vermeil De celle face tant claire, Dont l'un, et l'autre soleil A mes ténèbres esclaire.
Voyant ces rayons ardents Dessus le crystal de l'onde, Qui frizent par le dedans Le fond de l'arène blonde,
Je voy les ondes encor' De ces tresses blondelettes, Qui se crespent dessoubs Tor Des argentines perlettes.
Le sep, qui estreint si fort De l'orme la branche neuve, Armant l'un et l'autre bord Du long rampart de mon fleuve,
Ressemble ces nœudz espars.
Qui sur le front de madame Enlacent de toutes parts Mon cueur, mon corps, et mon ame.
Ce vent, qui raze les flancs De la plaine colorée, A longs souspirs doulx souflans, Qui rident l'onde azurée,
M'inspire un doulx souvenir De ceste haUine tant d«ulce
IJl DIVERS JEUX RUSTlaUES
Qui fait doulcement venir, Et plus doulcement repoulse
Les deux sommetz endurciz De ces blancs coutaux d'ivoire, Comme les flots adoulciz, Qui baisent les bords de Loyre.
L'argentin de ces ruisseaux, Qui paisiblement murmurent, Soubs le fraiz des arbrisseaux.
Qui les rivages emmurent,
Ressent celle doulce voix, Voix céleste, et nompareille, Qui m'a plus de mille fois Succé l'ame par l'oreille.
Vous donq' amoureux oyseaux, Soit aux bois, soit aux campaignes.
Accordez au bruit des eaux.
Qui tumbent de ces montaignes.
Dont l'immortelle verdeur De mille fleurs diaprée Embasme de son odeur Le verd honneur de la prée.
Icy dédier je veulx Un autel à ma Déesse, Pour y consacrer les vœus Que ma Muse luy addresse.
De fleurs et de rameaux verds Sera la riche peinture, Et la rondeur de mes vers
Y servira de ceinture.
Qu'il n'y ait en ce beau clos Branche, qui ne reverdisse, Bouton, qui ne soit declos, Ny herbe, qui ne florisse.
Jamais n'y faille le thyn, L'œillet, le lis, ny la rose, Ny la fleur, qui au matin Est ouverte, et au soir close.
Jamais n'y faille le miel, Ny le laict, ny la rosée.
Et de la manne du ciel Tousjours soit l'herbe arrosée.
Tousjours y facent leur tour Les carrières ondoyantes, Tousjours les bois à l'entour Courbent leurs cymes ployantes.
De nuict, sur l'humide front Des fleurs de vermeil escrittes,
Y viennent danser en rond Les Nymphes, et les Charités.
De jour, lors que le Soleil Darde sa flamme plus grande,
Y viennent prendre sommeil Diane, et sa chaste bande.
Dessus les sièges herbus
Pallisse la verde olive,
Et le verd tronc de Phœbus
Y ait sa perruque vive.
Pasteurs, que de ces chappeaux Chacun ait sa teste ceincte, Mais n'y menez vos troppeaux, Car toute l'herbe en est saincte.
