CONTRE UNE VIEILLE
|iEiLLE plus vieille que le monde, Vieille plus que l'ordure immunde, Vieille plus que la Fièvre blesme,
Et plus morte que la Mort mesme,
Plus que la Fureur furieuse,
Et plus que l'Envie envieuse.
Tu es une attise-querelle,
Tu es sorcière, et macquerelle,
Tu es hypocrite, et bigotte.
Et tousjours ta bouche marmotte
Je ne sçay quoy : tu es au reste
Plus dangereuse que la peste.
Pour blesser une renommée Avec ta langue envenimée, Pour diffamer tout un lignage, Pour troubler tout un voysinage, Un royaume, une seigneurie.
Il ne fault point d'autre Furie.
Et toutefois, vieille Gorgone, Toutefois, vieille Tysiphone, Tu oses bien porter envie Aux doulx passetemps de ma vie,
t)IVERS JEUX RUSTIQ.UES 203
Et n'as honte, vieille prestresse, De t'accoster de ma maistresse.
Tousjours, vieille, tu la conseilles, Tousjours tu luy soufle' aux oreilles Quelque charme, pour en son ame Esteindre l'amoureuse flamme.
Et pour empescher que la belle Ne m'ayme, comme je fais elle.
Tu luy proposes l'infamie
D'une faulse langue ennemie,
La honte de son parentage,
La perte de son mariage,
Et mil" autres maulx, qui arrivent
A celles qui l'amour ensuyvent.
Puis usant d'une autre finesse.
Tu viens à blasmer la jeunesse,
Et luy dis de nous autres hommes,
Que pour la plus grand' part nous sommes
En amours de léger courage,
Mais les plus jeunes d'avantage.
Lors tu mets en jeu quelque Moyne, Ou quelque monsieur le Chanoyne, Qui a force ducats en bourse.
Où il y a plus de ressource Qu'en ces prodigues de gambades.
Qui ne donnent que des aubades.
Ainsi avecques mille ruses La simplicité tu abuses
De ces pauvres filles craintives :
Mais celles qui sont plus rétives A tes dévotes remonstrances, Plus horriblement tu les tences.
Tu les menaces d'une mère, D'un frère, d'un oncle, d'un père.
Si les pauvrettes n'abandonnent Ces amoureux, qui rien ne donnent, Et puis s'en vantent par la ville, S'ilz trouvent quelque mal'-habile.
Tu leur dis, qu'elles sont charmées, Et qu'elles ne sont point aymées, Semans dedans leur fantasie, Une graine de jalousie, Qui empoisonne les pensées De ces chetives insensées.
Tu dis, que tu sçais la manière De rendre une ame prisonnière, Ou de la rendre desliée, S'il luy fasche d'estre oubliée.
Et que pour monstrer ta science Tu en feras l'expérience.
Et vrayment, vieille enchanteresse, J'apperçoy bien que ma maistresse Ne me faict plus si bonne chère Qu'elle souloit, et que légère Elle retire sa pensée De qui ne Ta point offensée.
DITERS JEUX RUSTIQUES 2O3
Mais je ne m'en donne merveille, Veu que tu es la nompareille En toutes manières de charmes, Et que souvent de telles armes Tu as gasté mainte famille, Et séduit mainte pauvre fille.
Tu peulx destourner en arrière Du ciel la course coustumiere, Tu peulx ensanglanter la Lune Tu peulx tirer soubs la nuict brune Les umbres de leur sépulture, Et faire force à la nature.
Tu peulx faire, si bon te semble, Que soubs tes pieds la terre tremble, Que les fleuves contre leur source Tournent la bride de leur course, Et que les arbres des montagnes Descendent au bas des campagnes.
Ores tu marches solitere Parmy l'horreur d'un cimicere, Or' autour d'une croix celée Tu guides toute eschevelée Le bal que la Sorcière meine Le dernier jour de la semaine.
Par toy les vignes sont gelées.
Par toy les plaines sont greslées, Par toy les arbres se démentent, Par toy les laboureurs lamentent
20é DIVERS JEUX RUSTiaUES
Leurs bledz perdus, et par toy pleurent Les bergers leurs troppeàux qui meurent.
Tu peulx faire tout ce dommage, Et peulx encores d'avantage ; Mais pour esteindre dans une ame L'ardeur d'une amoureuse flame, Tu n'as recepte plus certaine, Que ton regard, et ton haleine.
