LA CONTRE-REPENTIE

DU MBSHE GILLBBERt.

>i mon esprit, qui peult sortir dehors De ce qui n'est que prison de son corps, Suyvant tousjours sa trace coustumiere Recherche encor' la liberté première, Si le séjour d"un travail ocieux, Nourrissement des désirs vicieux, Reveille en moy la flamme accoustumée, Plus que devant en mon cueur allumée.

Pourquoy, helas, d'un nœu si rigoreux Ay-je lié mes ans plus vigoreux, Et pourquoy s'est la doulceur de ma vie Dessoubs un joug si pesant asservie ?

Folle, pourquoy en lieu si reserré Dedans mon corps s'est mon cueur enterré, Si en moymesme estant ensevelie.

Je suis encor" de la flamme assaillie ?

Or adieu donc, vaine captivité, Qui serve tiens nostre pudicité, Pudicité soubs misérable feincte D'un soing forcé honteusement contraincte. Mère d'Amour, suyvant mes premiers vœuz, Dessous tes loix remettre je me veulx,

Dont je vouidrois n'estre jamais sortie, Et me repens de m'estre repentie.

Car veu le soing, les travaulx et dangers, Dont et par terre, et par flots estrangers Nous sommes ceincts, veu la follie humaine Ambicieuse aux causes de sa peine, Ose'-tu bien, ô rigoreux Censeur, De noz plaisirs corrompre la doulceur ? Ose'-tu bien l'Amour nous interdire, Qui de noz maulx le seul bien se peult dire ?

Reposez donc aux champs Elysiens, Reposez vous, esprits des anciens :

Et tousjours soient de roses rougissantes. Et de beaux lis voz urnes florissantes : Pour à bon droit avoir déifié Ce sainct troppeau à Venus dédié.

Ce sainct troppeau de filles plus humaines, Tant révéré des Matrones Romaines.

Cypris ainsi, source de nostre sang, Entre les Dieux jadis trouva son rang.

Et sçavez-vous, qui l'a faicte si grande ? Cypris la belle estoit de nostre bande. Si Flore n'eust faict le peuple héritier De tant de biens gaingnez à ce mestier, Le peuple n'eust, pour la mémoire d'elle, Par tant d'honneurs rendu Flore immortelle. Et toy, qui es nostre premier honneur.

Romaine Ilië, à ce mesme bonheur

2lé DIVERS JEUX RUSTIQUES

T'appelle encor' ta martiale Rome, Qui de son sang l'origine te nomme.

Helas pourquoy allons-nous donc courant Après l'advis du sot peuple ignorant ?

Pourquoy défend la loy mal équitable, Cela qui est sainctement imitable ?

Pourquoy sont tant noz désirs ermemis De ce qu'aux Dieux les hommes ont permis ? Pourquoy nous a la liberté ravie Ce faulx honneur, tyran de nostre vie ?

Rome, faignons qu'on nous chasse d'icy, Soudainement tu te voyras aussi Abandonner, car ceste seule perte Pourra suffire à te rendre déserte :

Soudain de toy l'estranger s'enfuira, D'y demeurer le moyne s'ennuira, Et de tes murs se rendra fugitive Des courtisans la grand' troppe lascive.

Des monumens par le temps dévorez Nous sommes seuls ornemens demeurez, Seuls ornemens de Tantique mémoire, Et de ce lieu la renaissante gloire.

Rome, qui sceus tout le monde domter, Tu le peulx bien encore surmonter Par le moyen des armes Cypriennes, Et regaigner tes palmes anciennes.

Désormais donc à mon col soit permis Jetter le joug, où je l'avois soumis,

DIVERS JEDX RUSTIQUES 217

Et désormais retourne la franchise De père en filz à nostre sang acquise : Franchise las, que fort mal j'entendy Lors qu'en ce lieu serve je me rendy, Mais qui fera désormais sa demeure Avecques moy, jusq'à tant que je meure.

Dévotes sœurs, qui estes sur la fleur De voz beaux ans, je plains vostre malheur, Je plains le soing qui vous ronge sans cesse, Je plains le temps, je plains vostre jeunesse. Las vous seichez, et les flambeaux ardens De voz désirs vous bruslent au dedans.

Comme du blé les forests jaunissantes Ardent parmy les flammes ravissantes.

Comme le feu en la fournaise estrainct Va forcenant, le vostre ainsi contrainct Secrettement vous ard jusq'aux moelles.

Et en bruslant acquiert forces nouvelles. Vous languissez, et voyant tout autour Voz corps serrez d'un effroyable tour, Vous efforcez, avecques mains craintives. Rompre les lacz, qui vous tiennent captives.

Ainsi l'oyseau en la cage enfermé Recherche en vain son bois accoustumé, Ainsi en vain la beste prisonnière Veult retourner en sa vieille tesniere, Et vous ainsi voulez sortir de là :

Mais les destins s'opposent à cela.

Vous enserrant plus fort que la noire onde,

}enx rustiques. ij

2l8 DIVERS JEUX RUSTIQUES

Qui court là bas en neuf tours vagabonde. Peu à peu donc voz corps se brusleront, Et tous seichez en cendres tumberont :

Mais quant à moy, libre je m'en déporte, Et de bonne heure eloingne vostre porte.

Adieu verroulx, adieu portaulx ferrez, Les petits trous des huis tousjours serrez, Les lieux dévots, les chambrettes petites, L'enroué son des chansons tant redittes. Le long silence, et le tumbeau des corps Devant leur mort mis au nombre des morts, Les veufves nuicts, et l'aiguillon qui touche Les tendres cueurs en leur déserte couche.

Cherchez, cherchez qui dun teinct pallissant Trompe l'ardeur de son feu languissant : Ou qui par art un mary se façonne.

Et son plaisir elle mesme se donne :

Ou qui si fort l'imagine en veillant, Qu'eir le resente encor' en sommeillant : Ou qui avec quelque compagne sienne Voyse imitant la docte Lesbienne.

Je ne veulx plus nature décevoir Par ce qu'on peult en dormant concevoir. Je ne veulx plus d'un Démon estre femme. Je ne veulx plus contr' imiter la flamme De ces Jumens, qui pleines bien souvent Pour leur mary n'ont autre que le vent, Quand le printemps (miracle de l'Espagne)

DIVERS JEUX RUSTiaUES 219

Les epoinçonne à travers la campagne.

Je laisse là ces plaisirs contrefaicts,

Je veulx sentir les naturels effects,

Et m'en retourne aux tentes plus heureuses

Gaigner la solde aux guerres amoureuses.

Et quant à vous, armes de chasteté, Habits tesmoings de nostre honnestcté, Le vermoulu, et les taignes encore, Et le reclus désormais vous dévore :

Je vous délaisse, et promez ne sentir D'or'enavant un autre repentir.