DU LATIN DE P. GILLEBERT
>ETiREZ VOUS, amoureuses pensées
Des faulx plaisirs de Venus offensées, Et toy qui es le père du soucy, Cruel Enfant, retire toy aussi.
Retirez vous, ourdisseurs de finesse, Propos flateurs, qui gastez la jeunesse, Larmes, souspirs, nostre plus grand sçavoir, Subtilz appas pour les fols décevoir :
Retirez vous, petites mignardises.
Et vous, du lict folastres gaillardises, Et tout cela, que par art féminin Amour détrempe au miel de son venin.
Adieu, adieu, vous qui m'avez aymée.
Et qui m'avez surmonté desarmée :
Adieu, troppeau affronteur bien instruict, Troppeau Romain, qui la grand' louve suit.
âïÔ DIVERS JEUX RUSTIQ.UES
D'un long adieu, adieu donc, mes complices, Qui vieillissez au bourbier de voz vices, Qui maintenant sur la fleur de voz ans De toutes pars ceinctes de courtisans, Vous assemblez par leur sotte largesse Injustement une faulse richesse, Ou qui gaingnez, ô misérable gaing !
A tous venans nuict et jour vostre pain.
Je ne veulx plus, pour tels loyers acquerre, Gaigner la soulde en l'amoureuse guerre ; Je ne veulx plus ces finesses brasser.
Je ne veulx plus les amans enlacer Par tels appas de promesses frivoles, Ny pour l'argent donner belles paroUes.
Par la cité, portant dessus le front Le feinct martel, je n'iray comme vont. Quand la fureur les a faict plus malades, Du dieu Bacchus les vineuses Menades.
Je laisse là tous ces sifflets menus.
Sifflets tant bien des amoureux cognus ; Je ne veulx plus me pourmener en coche, Marque jadis des Dames sans reproche, Signe aujourdhuy des vices efrontez, Qui ont rendu noz honneurs ehontez.
Rome, qui as veu de tes sept montaignes . Tout l'univers ployé soubs tes enseignes. Tu ne voy plus, pour ton plus grand bonheur, Qu'un grand troppeau de filles sans honneur;
DIVERS JEDX RUSTIQUES 2îl
T'a point laissé llië la Vestale
De tant de maulx la semence fatale ?
Ou si tu tiens ces désirs vicieux
De celle-làj qui mise entre les Dieux
Pour célébrer ses festes impudiques,
Faict despouiller celles qui sont publiques ?
Tiendrois-tu point, ô Romaine cité, De ton autheur ton impudicité ?
Qui enleva par publiques rapines Impuniment les craintives Sabincs.
Mars te donna un esprit belliqueur, Tu tiens d'Ilië à ceste heure le cueur : Les anciens ont adoré le père, Et maintenant nous adorons la mère.
Voylà le poinct de toute ma douleur, Voylà Tobject de mon premier malheur, La liberté trop librement permise, Qu'impudemment tes vices ont acquise.
Adieu donc, fards, dont mon visage est peingt, Boetes, où sont les couleurs de mon teinct. Eaux, et empoix, dont la face on déguise, Croye, et Ceruse, et Biaque de Venise.
Je prens de vous congé pour tout jamais, Je ne veulx plus me peindre désormais, Ains dès icy abandonne l'usage Du fard menteur, qui gaste le visage : De la beauté je me veulx contenter, Que m'a voulu nature présenter, Et ne veulx plus, pour me faire plus belle, Changer par art ma forme naturelle.
Plus de pincette, et miroir je ne veulx : Adieu le soing de friser les cheveux, Eaux, et unguents par lesquels on efface Taches, rougeurs, et rousseurs de la face. Ce qui déride, et plus estroittement Serre la peau dessoubs le vestement :
Ce qui les dents convertist en ivoyre.
Et des sourcils la voulte rend plus noire : Ce qui les doigts crasseux, et nfial polis. Change en couleur de roses, et de lis.
Adieu vous dy, ô vous herbes encore, Par qui le chef de jaune se colore :
Drogues adieu, et adieu tout cela Par qui revint mon poil, qui s'en alla : Adieu encor' la caulte medicine, Qui m"a gardé de reclamer Lucine.
Adieu par qui s'èchaufe la froideur, Adieu par qui se corrige l'odeur, Eaux de senteurs, musq" et civette, et ambre. Parfums du lict, et parfums de la chambre : Le luth, le bal, et tout ce qui plaist mieux Soit du Pétrarque, ou soit du Furieux.
Adieu, lyens, enchantemens, et charmes, Qui de nostre art sont les dernières armes.
Adieu fenestre, et porte où trop souvent J'ay amusé l'amoureux poursuyvant. Porte cent fois, d'une main courroucée, Des fols amans en cholere poussée.
DIVERS JEUX RUSTiaUES 21 3
Adieu sifflets, et petits bruits légers, Signes, qui sont mutuelz messagers, Et tous les arts, dont la vieille rusée Sçait appaster la jeunesse abusée.
O bon Advis, si tu es quelque Dieu, Je prens franchise en ton plus sacré lieu, Te présentant ladespouille du vice, Comme nonnain vouëe à ton service.
J'apporte icy la cendre des plaisirs, Qui ont bruslé mes plus jeunes désirs, Et le mespris de tout cela qu'ameine Le faulx appas de ceste vie humaine :
Affranchis donc mes esprits retenus Trop longuement soubs les loix de Venus.
Et quant à vous, ô robbes Tyriennes, Robbes de soye, et perles Indiennes, Petits anneaux par l'oreille passez, Riches carcans à mon col enlacez.
Pompeux habits, dont la molle richesse Fut le loyer de ma folle jeunesse.
Ou soyez-vous par la flamme abolis.
Ou au plus creux de l'onde ensevelis : Rien n'en demeure, et ne soit, moy bruslée, Flammesche aucune à mes cendres meslée.
