AU CARDINAL DU BELLAY
Monseigneur, le scelleur de Monsieur de Paris m'a ce matin envoyé une lettre de change de douze cents escutz pour vostre ordinaire de novembre, me priant de la vous faire tenir, ce que j'ay faict incontinent, et l'ay envoyé sur l'heure enclose en la présente à vostre banquier Didato, qui à ma requeste et sur ma céduUe a fourny une grand partye desdicts XII cents escutz. Ce n'est la première foys qu'il a faict le semblable et est encore prest de faire selon les occurrences, qui mérite bien, ce me semble, que l'on en tace quelque recongnoissance en son endroict. Il vous avoit
(i) Lettre autographe (Ms Fr. 10485, foL i85).
282 DIVERS JEUX RUSTiaUES
pieu, Monseigneur, luy en donner quelque asseurance par ung ] mot de lectre que je luy baillay de vostre part, il y a j environ d'un an. Toutefois depuys ne s'en est ensuyvy aulcun effet. S'il vous plaisoyt en faire une nouvelle recharge à Monsieur de Paris on le contenteroil de peu de chose et que l'on baille ordinairement à d'aultres, qui ne sont pour vous foire tant de service que ledict Didato. Je vous ay escript par cy devant que le filz de feu Monsieur de Saveuse avoit esté pourveu de la prébende vacquée par la mort d'ung nepveu de Monsieur le Cardinal de Meudon,suyvant vostres commendement. Vous estiez obligé envers ung conseiller de ceste court nommé Helyn en la somme de mil escutz, dont luy aviez constitué rente de deux cens livres par an. Vostre recepveur Combraille a pavé lesdicts mil escutz et, par ce moyen, est esteincte ladicte rente et le contract cassé, que je mectray entre les mains de Monsieur de Paris incontinent qu'il sera de retour. Ledict Helyn, par une aultre partye, vous debvoit deux cens escutz pour quelques lotz et vantes ; il a pryé qu'on luy dounast terme jusques au XXVe de ce présent moys, dedans lequel il ne fauldra de satisfaire à ce qu'il vous doibt.
Je vous ay escript touschant les deux aultres prébendes et les importunitez et instances, qu'en font messieurs les courtizans. Vous y adviserez, s'il vous plaist. Monseigneur, ' et vo3'rez si je vous y puys servir de quelque chose. Enquoy je m'employray et en toutes aultres choses qui concerneront vostre service, sans aulcune exception. Et me trouverez tousjours tel jusques au dernier souspir de ma vye. Ce qui sera
l'endroict où je suppliray le Créateur vous donner, Monseigneur, eu parfaicte santé très heureuse et très longue vye. De Paris, ce Vile Je octobre 1559.
Vostre très humble et très obéissant serviteur.
J. DUBELLAY
Monsieur d'Ivry (1) m'est venu voyr ce matin qui m'a dict vous avoyr escript touchant l'expédition de son abbaye de Sainct Sierge, que l'on luy veult faire perdre, vous suppliant de luy estre aydant en ceste affaire. Il m'en a parlé plus particulièrement et que, s'il vous plaist lui faire avoyr la dicte expédition, il ne plaindra V cens escutz pour la diligence du convoyeur. Il m'a aussi parlé de quelques permutations avecques pensions rédimables comme l'on advisera Te n'ay voulu failiir à vous en advertir, Monseigneur, affin que vous advisiez, s'il vous plaist, ce qu'il vous plaira de m'en conimender.
(Au dos) : A Monseigneur.
(i) Lisez ; Philibert de Lorme, l'illustre architecte des Tuileries, né à Lyon au commencement du XVI^ siècle, mort à Paris en iSy;. Il était abbé d'Ivry et de Saint-Eloy lez-Noyon.
AU CARDINAL DU BELLAY (i)
Monsieur, j'ay ces jours passez receu une lettre de Monsieur du Bellay (2) vostre frère, pleine de choleres et de menasses, ausquelles je ne fais response pour avoir jusques icy esprouvé M. du Bellay si peu favorable en tout ce qui me touche que je n'ay occasion espérer de luy, sinon toute rigueur, si Dieu par vostre moyen ne luy fait changer de voulunté en mon endroit.
La substance des propoz que j'ay tenus à Monsieur le scelleur est telle, afin que l'on ne vous en puisse rien desguiser pour vous aigrir davantaige contre moy.
Le jour après vostre parlement de ce lieu, parlant audit scelleur de la maladie de Monsieur Gallandius et de sa prébende touchant Saveuse, et Tadvertissant de prendre garde à la regale de peur de tomber en pareil inconvénient que de la prébende de Monsieur de Sainct-Ferrae, ie luy demanday entre aultres choses quel ordre vous aviez donné pour les col lations durant vostre absence. Il me respondit que vous aviez substitué Monsieur l'official, pour ce que Monsieur le thésaurier de Beauvais n'estoit ordinairement en ceste ville. Je luy
(i) Bibliothèque Nat., Ms Moreau 774, ff. 292-293. Copie d'une lettre de M. de Gonniort (sic), envoyée a M. de Paris. Ce texte a paru dans la Bévue d'Histoire littcr. de la France, It i5 janvier 1894 (pp. 4{)-3i). Voyez : P. de Nolhac : Une lettre inédite de J. du Bellay.
(2) Jacques du Bellay.
demande si vous luy aviez point parlé de moy pour ce regard. Il me dist que non, fors que vous m'aviez quelquefois monstre une lettre de Monseigneur le Cardinal, par laquelle il vous donnoit toutes les collations, hors mis quelques prébendes de Paris, pour en faire vostre proufict. Je luy dis que cela ne portoit point de révocation, et que vous estiez sans interest, pourveu que je conférasse à ceulx que le dit scelleur me nommeroit, ce que luy protestay de faire, ne voulant en cela ni aultre chose sortir des limites de vostre ordonnance, mais que ce me seroit une grand' vergongne, qui ne vous pouvoit apporter aucun proufict, qu'en vostre absence ung aultre usurpast sur moy la charge qu'il a pieu à Monseigneur le Cardinal me donner, chose qui n'a encores esté faite que je saiche, mesmes aux serviteurs de moindre qualité ; adioustant que j'avois telle opinion de l'honnesteté et modestie desdicts thésaurier et officiai, qu'ils ne vouldroient faire ce tort à ung parent et serviteur de Monseigneur le Cardinal qui ne les avoit en rien offensez, et que la ou ilz en vouldroient aultrement user, en ce cas je serois aussi contrainct d'user de la puissance que monseigneur m'avoit donnée, sans parler de revocation, ce que je pensois que liv ne vous n'auriez occasion de trouver mauvais,
Voyla, Monsieur, le grand crime de lèse maiesté que l'on m'accuse d'avoir commis en vostre endroit et dont Monsieur du Bellay me menasse de passer les montaignes pour en parler a mon dict seigneur le Cardinal. Mais il n'est ja besoing qu'il preigne ceste peine pour me mectre davantage en disgrâce, car je v suis assez (Dieu mercy et mes bons am3's),
joinct l'espérance du bref retour de monseigneur le Cardinal après la création du nouveau Pape, car sans ceste espérance je ne tarderois longuement à l'aller trouver pour continuer au près de sa personne le service que je luy doibs, puisque icy Ion ne me veult aultrement laisser vivre en patience.
Pour conclusion, si vous trouvez bon, sans exprès commandement de mondit seigneur le Cardinal, de préférer des étrangers à moy, en une chose ou vous ne pouvez avoir aucun interest, veu que je ne veulx (comme j'ay ci devant dict) rien faire sinon ex prescripto de vostre scelleur, je vous supplie. Monsieur, de le me faire entendre, a fin que je m'en descharge envers mondict seigneur le Cardinal et qu'il n'ayt occasion de penser qu'en vostre absence j'aye desdaigné de faire la charge qui lui a pieu me donner. Qui sera l'endroict ou je me recommanderay humblement en vostre bonne grâce, priant Dieu vous donner, Monsieur, en santé, longue et heureuse vie. De Paris, ce dernier aoust 1559.
Vostre humble cousin et obéissant serviteur,
J. DUBELLAY
