DE VIRGILE
I'estoit au poinct, que la nuict hyvernale Approche plus de l'estoille journale, Et l'eveilleur du rustique séjour Jà par son chant avoit predict le jour : Lors que Marsault, qui pour tout héritage Ne possedoit qu'un petit jardinage, Craignant dès-jà la faim du jour suivant De son grabat tout beau se va levant, Et tastonnant avecques main soigneuse L'obscurité de la nuict sommeilleuse, Cherche le feu, lequel il a trouvé, Apres l'avoir à son dam esprouvé.
Là d'une souche à demy consumée Sortoit encor quelque peu de fumée.
Et soubz la cendre estoit le feu caché : Alors Marsault avecques front panché
Sur le foyer, vient approcher sa mèche, Et attirant un peu d'estouppe seiche D'un fer pointu, soufle tant et si fort, Qu'il alluma le feu jà demy mort.
L'obscurité fait place à la chandelle : Marsault chemine, et tousjours autour d'elle Porte la main, pour la garder du vent. Puis ouvre un huis, qui estoit au devant. D'un moncelet de froument il va prendre Autant que peult la mesure comprendre.
Qui environ seize livres contient.
Il part de là, à la meule s'en vient : Et sur un aix servant à cest affaire Met près du mur son petit luminaire.
Alors il va desplier ses bras nuds, Ses deux gros bras, bien nerveux et charnus, Portant de chèvre une peau hérissée Dessus le flanc rustiquement troussée; Prend le ballay, et tout à l'environ 'Va nettoyant la meule et le giron :
Et puis il met les mains à l'exercice. Et à chascune ordonne son office.
Avec la gauche il faict tumber le grain Dessoubz la meule, et avec l'autre main Donne le tour, d'un rond, qui point ne cesse. Le blé moulu tumbe en farine espesse.
Aucune fois d'un travail successeur La gauche tourne, et soulage sa sœur:
Luy mesme aussi quelquefois se soulage.
Chantant des vers, et chansons de village.
Alors Catou il huche haultement.
Pour tous servans il avoit seulement
Geste Catou, qui à sa laide mine
Montroit assez qu'elle estoit Limousine.
Les cheveux roux, et le teinct tout haslé,
La lippe enflée, et le sein avallé,
Le ventre gros, gembe grosse, et grands plantes.
Et aux talons tousjours mules et fentes.
Marsault luy dit, qu'elle face du feu, Que l'eau soit chaulde, et après qu'il a veu Son blé moulu, il le prend, il le sasse : Le son demeure, et la farine passe.
Puis sur un aix l'agence tout soudain, Verse l'eau tiède, et en menant la main Tout au travers, pestrit tout pesle mesle: Avecques l'eau la farine se mesle.
Des grains de sel il y respand aussi : L'œuvre se forme, et devient espoissi.
Avec la paulme en rond il le façonne.
Presse le moule, et sa marque luy donne, Le porte au feu (Catou premièrement Avoit le lieu nettoyé proprement) :
D'un test voulté il a faict sa fournaize.
Et ce pendant que la tuyle et la braize Font leur devoir, Marsault ne chomme pas, Mais se pourvoit d'autres metz et repas, Pour ne trouver, à la manger seulette.
Fade saveur au goust de sa galette.
De chair de porc par le sel endurci Les gros quartiers, et les jambons aussi N'estoient pas là penduz pour son usage, Mais seulement le rond d'un vieux fourmage Par le milieu traversé d'un genêt, Et tout au près un vieux fagot d'aneth. Luy donc aiant le soing de sa pasture, Pour son disner cherche autre nourriture.
Joingnant la loge, où Marsault habitoit, Fut un jardin, un jardin qui estoit D'un peu d'oziers clos devant et derrière. Et de roseaux à la canne légère ; Petit de lieu, mais d'herbes bien fourny. Ce jardin là n'estoit pas degarny De ce qui sert à un pauvre mesnage :
Souvent le riche y prenoit son usage.
Quant au labeur, cela ne luy coustoit Que l'entretien : cest entretien c'estoit. Quand quelque feste, ou saison pluvieuse Avoient rendu sa charrue ocieuse.
Marsault sçavoit les plantes disposer, Marsault sçavoit semer et arroser:
Là se trouvoit toute herbe de potage, Là s'espandoit la bette au grand fueillage, Et la vinette espessement croissant, Avec la maulve, et l'eaule verdissant.
Les chichespois y prenoient nourriture.
Oignons, pavotz d'endormante nature.
Là s'estendoit la friande laictue.
Et là s'enfloit la coucourde ventrue.
DIVERS JEUX RUSTIQUES lOj
Cela n'estoit de Marsault le manger.
(Car qui estoit plus que luy mesnager ?)
Son revenu au peuple estoit utile,
Il en portoit certains jours à la ville,
Et puis au soir retournoit à grand' joye
Léger d'espaule, et chargé de monnoye.
Bien peu souvent de la chair achetoit,
Le rouge oignon son appétit domtoit,
Et le pourreau bien teillant : quelquefois
Il se paissoit de cresson allenois,
Qui prend au nez, d'endive, et de roquette
Bonne aux vieillards. Voylà comment se traite
Le bon Marsault, qui songeant à son cas
En son jardin va chercher son repas.
Premièrement grattant un peu la terre.
Quatre aulx espaiz de racine il déterre, Arrache aussi des coriandes gresles, Et du persil aux petites umbelles.
De verde rue il s'est aussi pourveu, Puis tout joyeux s'assied auprès du feu : Huche Catou, demande le mortier.
Plume l'oignon, prend ce qui faict mestier, Jette le reste, et puis en belle eau frotte Bien nettement la terreuse echalotte, Et tout cela vous jette dans le fond De son mortier, qui fut cave en rond.
Des grains de sel il y met d'avantage, Il y adjouste encores du fourmage Dur et salé, et puis ces herbes là Dont j'ay parlé, jette sur tout cela :
I06 DIVERS JECX RUSTIQUES
Et puis dessoubz ses aynes hérissées De la main gauche a ses robbes troussées, De l'autre main il va pilant les aulx, Dont la senteur offense les nazeaux :
Le suc de l'un avec l'autre s'assemble, Le pilon tourne, et brize tout ensemble.
Lors peu à peu cestuy perd sa valeur.
Et cestuy-là : tous n'ont qu'une couleur, Qui pour le blanc, n'est du tout verdissante, Ny pour le verd, toute aussi blanchissante. Souvent Marsault, comme tout courroucé, Souffle, renifle, et d'un nez retroussé Maudict ses aulx : souvent torche ses yeux Du bout des doigts, souvent tout furieux Va maugréant la vapeur innocente.
Dès-jà se fait la matière plus lente Qu'au paravant : le pilon qui tenoit Dans le mortier, plus lentement tournoit.
Or' il y mesle un peu d'olif, et ores
Un petit fil de vinaigre, et encores
Remesle tout, et puis une autre fois
Le mesle encor' : puis avecques deux doigts
Finablement le mortier environne,
Et en tourteau la matière façonne.
Voylà comment la saulse Ion faisoit.
Qui MORETVM en latin se disoit.
Catou soigneuse avecques la main nette Encependant tire aussi sa galette.
Ainsi Marsault ne craignant plus la faim Pour ce jour-là, se depesche soudain, Prend son chappeau, ses guestres, et se rue Avec ses bœufz au faict de la charrue.
