VŒUX RUSTIQUES

DU LATIN DE NAUGERIUS (l^ A CERÈS

EGARDE, ô Cerès la grande, ^%^ Danser la rustique bande '' Des laboureurs assemblez A la semence des bledz.

Fay que le grain ne pourrisse Par la pluie, et ne périsse Par l'hyver trop avancé Le sillon ensemencé.

Que la malheureuse avene

Ne foisonne sur la plaine,

Ny toute autre herbe qui nuict

Au grain dont vient le bon fruict.

(i) Ce titre s'applique non seulement à cette pièce m«is aux XVI qui suivent.

Qu'un fort vent meslé de gresle Ne renverse pesle mesle Le blé sur terre haulssé De telle fureur blessé.

Que les oyseaux qui ravissent, Du froument ne se nourrissent, Ny ces monstres d'animaulx, Qui font par tout tant de maulx.

Mais fay que le champ nous rende, Avec une usure grande, Les grains par nous enserrez Soubs les sillons labourez.

Ainsi sera ; qu'on espanche Un plein pot de crème blanche.

Et du miel délicieux, Coulant avecques vin vieux.

Que l'hostie inviolée Avant que d'estre immolée, Par trois fois d'un heureux tour Cerne ces bledz à l'entour.

C'est assez. Moissons parfaictes, Autres festes seront faictes, Et seront tes cheveux saincts D'espics couronnez et ceincts.