XII

estre, ne te donneront moins de plaisir que beaucoup d'autres plus graves, plus polies, et mieulx agencées. Reçoy donques ce présent, tel qu'il est; de la mesme volonté, que je te le présente : employant les mesmes heures à la lecture d'iceluy, que celles que j'ay employées à la composition : c'est le temps qu'on donne ordinairement au jeu, aux spectacles, aux banquetz, et autres telles voluptez de plus grands fraiz, et bien souvent de moindre plaisir, pour le moins de récréation moins honneste, et moins digne d'un esprit libéralement institué. Quoy que ce soit, ceulx qui sont ou si sévères, que rien ne leur plaist s'il n'est plein de doctrine, et antique érudition, ou si délicatz , que leurs oreilles rejectent toutes choses, si elles ne sont élabourées en perfection, le tiltre du livre les admoneste de ne passer plus avant, et se réserver à d'autres oeuvres que je leur garde, plus dignes d'eux, j'entens s'ilz me veulent départir tant de faveur, et à eulx mesmes tant de loysir, que de les lire.

A Dieu.