MÉTAMORPHOSE D'UNE ROSE
Comme sur l'arbre sec la veujve tourterelle Regrette ses amours d'une triste querelle, Ainsi de mon mary le trespas gémissant.
En pleurs je consumois mon aâge languissant :
Quand pour chasser de moy ceste tristesse enclose, Mon destin consentit que je devinsse Rose, Qui d'un poignant hallier se hérisse à l'entour. Pour faire résistance aux assaults de l'Amour,
Je suis, comme j'estois, d'odeur naïve et franche. Mes bras sont transforme:( en épineuse branche. Mes pied:( en tige verd, et tout le demeurant De mon corps est changé en. Rosier bien fleurant.
Les plis de mon habit sont écailleuses poinctes. Qui en rondeur égalle autour de mqy sontjoinctes : Et ce qui entr'ouvert monstre un peu de rougeur. Imite de mon ris la première doulceur.
Mes cheveulx sont change^ enfueilles qui verdqyent. Et cespetf^ rayons qui vivement flamboyent Au centre de ma Rose, imitent de mes yeux Les feux jadis égaulx à deux flammes des cieulx.
i54 JEUX
La beauté de mon teinct à V Aurore pareille N'a du sang de Vénus pris sa couleur vermeille, Mais de ceste rougeur que la pudicité Imprime sur le front de la virginité.
Les grâces, dont le ciel m'avoit favorisée.
Or* que Rose je suis, me servent de rosée :
Et l'honneur qui en moy a fleury si long temps, S'y garde encor* entier d'un étemel printemps.
La plus longue frescheur des roses est bornée Par le cours naturel d'une seule journée :
Mais ceste gayeté qu'on voit en moy fleurir, Par l'injure du temps ne pourra dépérir,
A nul je ne défends ny l'odeur, ny la veue, Mais si quelque indiscret vouloit à Vimpourveue S'en approcher trop près, il ne s'en iroit point Sans esprouver comment ma chaste rigueur poingt.
Que nul n'espère donc de ravir ceste Rose, Puis qu'au jardin d'honneur elle est si bien enclose: Où plus soingneusement elle est gardée encor', Que du Dragon veillant n'estoient les pommes d'or-
Celuy qui la vertu a choisy pour sa guide.
Ce sera celuy seul qui en sera l'Alcidé :
A luy seul j'ouvriray la porte du verger.
Oit heureux il pourra me cueillir sans dqLfiger.
Qu'autrement on n'espèreen mon cueurfaire brèche : Car je ne crains Amour, ny son arc, ny sa flèche: J'esteins, comme il me plaist, son brandon furieux, Les ailes je luy coupe, et débende les yeux.
