Laissé en blanc dans le texte
XXX vm
1349, 10 mai. — Villeneuve-la-Guyard.
Philippe de Valois assigne à Agnès de Navarre les mille livres
de rente quil lui a promises,
(Tiroir 9, n° 117. Parchemin sans sceau. Ibid., no 118. Cahier de papier. — - Mentionné dans Yanguas, Dicc, art. IneSy t. 11^ p. 79.)
Donné par coppie soubz le seel secret du roy de Navarre.
Phelippe, par la grâce de Dieu roys de France. Savoir faisons a touz présens et avenir que comme en parlant et traictant de nostre assentement du mariage de nostre amé et féal cousin Gaston, conte de Foix a présent, et de nostre chière cousine Agnès, fille jadiz de nostre très chier et féal cousin Phelipe, jadis roi, et de nostre très chière nièce Jehanne de France, royne de Navarre, eust esté accordé entre nostre dicte nièce la royne de Navarre pour sa dicte fille, d'une part, et nostre amée cousine, Aliénor de Cominge, contesse de Foix, pour nostre dit cousin, son fils, d'autre part, que la dicte Agnès auroit ou dit mariage et pour cause d'icelui deux mil livres tournois de terre qui li seroient assises en la senechaucié de Thoulouse, si comme ou dit traictié est plus plainement contenu ; et nous, en faveur du dit mariage et pour le grant bien que nous en espérons, avons donné de grâce espécial a la dicte Agnès, nostre cousine, pour li et pour ses hoirs qui de li istront ou dit mariage, les mil des dictes deux mille livres atournois (sic) de rente annuel et perpétuel a asseoir et assigner avec toute justice, haute, moienne et basse, sanz compter en prisiée ou valeur de terre la dicte justice, fors pourtant que elle monteroit par an oultre troix cens livres de rente en valeur annuelle, et avec ce aions accordé et octroie a nostre dicte nièce pour la dicte Agnès, nostre cousine, que parmi le dit mariage les autres mil livres de terre soient assises et assignnées a la dicte Agnès pour li et pour ses hoirs, comme dit est, a perpétuité, et au plus près des autres mil livres de terre a li données, c'est assavoir en rabat et réduction de la rente que la dicte royne, nostre nièce, prenoit chascun an en nostre trésor a
13491 DKS ARCHIVKS 1)E XAVAnHE. 49
Paris', lequel trésor et nous serons parmi ce et demourrons quictes et deschargiés des mil livres de rente ; et encores en accroissant et eslargissant nostre dicte grâce et le don des mil livres de rente dessus dit, octroiasmes que les mil livres de rente derrain dictes soient baillées et assignées avec toute justice, haute, moienne et basse, es lieus et terrouoirs, ou elles seront assises, non comptée ne prisée en la dicte assietc la dicte justice, haute, moienne et basse, se elle ne monte oultre troix cens livres de rente ou de valeur annuelle, et ou cas que la dicte justice passeroit les dictes troix cens livres de terre, le seurplus seroit compté ettendroit lieu en la prisée des dictes mil livres de rente. Et toutevoies nostre entention estoit et est, ainsi Tavons réservé sauve et retenu, que, se la dicte Agnès, nostre cousine, trcspassoit sanz hoir procréé de son corps ou dit mariage, que les dictes mil livres de terre par nous données, comme dessus est dit, retourneront a nous ou a nos successeurs roys, de plain droit, si comme en nos lettres sur ce faites et données Tan mil CGC XL et six, le VIII" jour de février, est plus plainement contenu. Pour la quelle assiete faire certains commissaires furent députés de par nous, qui selon leur comission firent prisage, estimation et assiete a la dicte Agnès, nostre cousine, sur les lieus, terrouers et en la manière qui s'ensuit, o toute justice, haute, moienne et basse la ou nous l'avions et telle comme nous la y avions. Premièrement, le lieu de Martres et toutes ses appartenances pour vint-cinq livres douze sols sept deniers et maille tournois de rente ou revenue. Item, le lieu de Piractis', et toutes ses appartenances pour soixante dix-huit livres dix-sept sols six deniers tournois de rente ou revenue. Item, le lieu de Tailheboure^ et toutes ses appartenances pour cinquante-six livres onze solz sept deniers tournois de rente ou revenue. Item, le lieu de Saint-Jehan en Rivière et toutes ses appartenances pour quatre-vinz-deux livres troiz sols poug. tournois de rente ou de revenue. Item, le lieu de Gala et toutes ses appartenances pour nuef vins cinq livres nuef solz six deniers maille tournois de rente ou revenue. Item, le
1. Philippe de Valois s'était engagé à payer 3,000 livres de rente à Philippe, roi de Navarre, et à Jeanne, sa femme, en retour de la cession de leurs droits sur la Champagne et la Brie. (14 mars 1336. — Yoy. Secousse, Mémoire sur Charles le Mauvais, t. II, pp. 12, 13 et 19)
