I. Cest le collège des Lombards

ii8 DOGUimrrs pabisiehs

revenist du tout en Testât comme devant et que nous en eussiens homme, qu'il nous pleust, en recompensation de ce, ottroyer ausdii escoliers, de grâce especial, que il peussent acquerre, ou autres a leur prouffit et en leur nom, autant de terre amortie en noz fiez ou arrière fies ou censives, sanz cUef de fié, sanz justice, là où il leur plairoit, sanz chastel et senz forteresse, en un lieu ou en pluseurs, tout ensemble ou par parties, à une (oj$ ou à pluseurs, mais que lesdiz acquez ne passent la somme dessusdite. Nous, considerans que ce estoit profit à nous de recouvrer ledit chief de fié et de en avoir home comme devant, et voulans pour amour de Dieu estre favorables et gracieux en pitié ausdiz escoliers et à leur fundacion, à ce que nous soions participans de Taumosne et du bien fait, et volans aussi condecendre à la prière de nostredit conseiller, sadite requeste et supplicacion avons volue et ottroiée, et voulons et ottroions, de grâce especial, de certaine science et de nostre auctorité royal que lesdiz escoliers ou autres pour eulz, en la manière que dessus est dit, puissent acquerre et tenir autant de terre et rente perpétuel et en autel pris comme dessus est dit, et comme il apperra que ottroyé leur avions par nozdites lettres en noz fiez ou arrière fiez ou cen-* sivez, sanz chief de fié, sanz justice, sanz chastel et sanz forteresce, sanz ce que il puissent jamais estre contrains par nous ne par noz successeurs de vendre ou de mettre lesdiz acquez hors de leur main, ne en faire, ne paier finance en quelque manière que ce soit, en paiant toutes voies à nous ou à ceulz à qui il appartendra, les rentes et les censés acoustumées et deues pour cause d*iceulz héritages. Et voulons que lesdiz escoliers puissent dès maintenant user de cette présente grâce, si tost comme lesdiz acquez juques à ladite somme seront acquiz et en eux transportez comme dit est, comme desja il se soient du tout, tout départi dudit fié de Pissecoc et aient volu et conscenti que nous en aiens receu en foy et en homage nostre amé sergent d*armes Jaquet Maupiles de Florence, neveu dudit evesque, lequel en est dezja nostre homme, si comme ledit evesque dit ce apparoir par lettres seur ce faites et passées par lesdiz escoliers. Si mandons et commandons à touz noz officiers, justiciers et noz autres subgiez, que contre la teneur de ceste présente grâce il ne viennent en nulle manière ne empeschent lesdiz escoliers à user d'icelle paisiblement et entièrement, si comme ottroyé leur avons. Et pour ce que ce soit ferme et estable chose à tousjours, etc.

Donné à Saint Germain en Laye, l'an de grâce mil CGC quarante et un, ou moys de may.

Par le roy.

Lorrîz.

Reddatur sine financia, quia rex consideracione premissorum concessit generose.

DU RÈGNB Ht PmUVPE VI DS VALOIS. II9

Shiê fin^eia, quia m sic coacessit, ut scriptam est de manu notarii.

Justice.

Littere de quibus fit mentio supra, retente fuerunt et posite cancellate in sacco litterarum bailUviarum Francie de termino AscensionisMCCCXLI.