Courpalay, Seine-et-Marne, cant. de Rozoy-en-Brie
4. Probablement Jouy-le-Châtel, Seine-et-Marne, arr. de Provins, cant. de Nangis.
5. Le registre porte en marge « Jehan Boutet comme procureur d'icelle. 1
6. Peut-être le Champ-Gueffier, auj. château de la commune de la Chapelle-Iger, Seine-et-Marne, arr. de Coulommiers, cant. de Rozoy-en-Brie.
DU RÈGNE DE PHILIPPE VI DE VALOIS. 3g
dite église, dès maintenant, ou toùtefoiz qu'il li plaira, en rebatant
icelles diz livrées de rente de la somme de vint et trois livrées de rente
par an qui li estoient demorées des trente livrées parisis dessusdites ; et
que yceux doyen et chapitre et leursdiz successeurs, en leur nom et de
ladite église, puissent tenir et tiegnent perpetuelment et paisiblement
lesdîtes diz livrées de terre ou rente, avec ladite justice, sanz ce que
il soient ou puissent estre contrains en aucun temps à la vendre ou
mettre hors de leur main et senz en paier à nous ou i noz successeurs
aucune finance ne quint denier; lesquels finance et quint denier,
nous, de grâce especial avons quitté et donné, quittons et donnons
à nostredit clerc, non contrestant quelconques autres dons et grâces
que noz devanciers et nous li aions fait. Et que toutes ces choses et
chascune dicelles soient fermes et estables, etc.
Donné au Bois de Vincennes, l'an de grâce mil trois cenz trente et
neuf, ou mois de novembre.
Par le roy, présent le confesseur.
Charrolles.
Double.
CoUacion est faite.
i33g, décembre. Paris.
Lettres par lesquelles Philippe VI, à la requête des exécuteurs testamentaires de feu Michel le Flamant, amortit 20 1. p. de rente annuelle, à percevoir sur différentes maisons de Paris, pour leur permettre de fonder une chapellerie.
(JJ. 72, n # 495.)
Philippe, par la grâce de Dieu roys de France, savoir faisons à touz presenz et avenir, que comme nous, desirranz le accroissement du service divin, à la supplication de[s] exécuteurs du testament ou derraine volenté de feu Michiel le Flamant, desirranz, selonc la volenté et ordenance dudit feu Michiel et en acomplissant ycelle ordenance, à fonder pour le salu de sa âme une chapellenie, et ycelle doer de vint livrées parisis de rente par an hors fié et justice, avons ottroyé et ottroyons de grâce especial ausdiz exécuteurs, que desdites vint livres parisis de rente par an, de et sus les choses ci dessouz esclarcies et nommées, il puissent doer ladite chapellenie, et que le chapellain qui pour le temps sera establiz à deservir ycelle chapellenie tiegne et puisse tenir perpetuelment et pasiblement ladite rente, sanz estre contrainz a la vendre ne mettre hors de sa main et senz paier à nous ou à noz successeurs aucune finance, laquelle nous avons quittée et quittons de nostredite grâce ausdiz exécuteurs et chapellain, lequel sera tenuz de chanter une messe du Saint Esperit chascune sepmaine pour nous, tant comme nous vivrons et pour
nostre chère compaigne et noz enranz et pour le bon estât de nostre royaume; et après nostre décès ladite messe sera des mors, pour le salu de nostre âme. Ce sont les choses assignées pour le douement de ladite chapellenie. Premièrement, sus les estuves de la rue Jehan de Lespine 4 , tenant d'une part à la maison Martin Pizdoue, huit livres parisis, prises premièrement de diz huit livres parisis de rente que ledit feu Michiel prenoit sus icelles après fonz de terre, Item y sus la maison Hugues d'Oriac, en la Bufeterie 3 , tenant d'une part à la maison fu Thoumas de Malaunoy, vint souz, de quatre livres, lesquelles ledit feu Michiel, Jehanne la Blondelle et Jehan Stople y prennent après quatorze deniers de fonz de terre. Item, sus la maison Estienne le Haubergier, en la grant rue Saint Denis 3 , tenant à la maison Jehan le Blonc, cent soulz, de vint livres que yceuis feu Michiel, Jehanne et Jehan y prennent après un denier de fonz de terre. Item, sus la maison Raoul le Tourneur, devant le petit huis de Saint Innocent, tenant à la maison Pierre le Perchier, soixante et sept soûls six deniers, pris de la somme de treze livres diz soulz que lesdiz dessus nommez y prennent après six deniers de fonz de terre. Item, en la Charronnerie, sus la maison qui fu Jehan de la Maire, tenant à la maison Jehan Cartier, cinquante soulz, après neuf deniers de font de terre. Item, sus Testai feu Symon Thibert, en la boucherie de Paris, cinc soulz, de vint soulz que ledit feu Michiel prenoit après fonz de terre. Et que ces choses soient fermes et estables à touz jours nous avons fait mettre nostre seel en ces lettres, sauf en autres choses nostre droit et le droit d'autruï en toutes. Donné à Paris, l'an de grâce mil CCC XXXIX, ou mois de décembre.
Barrière.
Sine financia.
Justice.
