Fillache d'Espaigne, le cent XX d

93 . Et toutes autres denrées a la value du prix dessus dit ; et est jointe ceste imposition et avalluée a tournoys.

94. Item, que le blé, les draps et toutes les autres denrées et marchandises qui seront amenés ou apportés par terre en la ville de Rouen n'y puissent demourer ny estre herbergés fors et en la manière qu'il est et a esté a coustume quant le pont estoit clos, que il ne conviengne tout avant qu'ils payent et contribuent a leur advenant et leur acquict du dict péage tout ainsi comme s'ils estoient amenés et apportés par l'eau de Sayne, et seroit le dict péage, tant comme il dureroit, prins, cueilly et receu par certains personnages qui y seroient mis tant de par ledict seigneur, comme par lesdicts prevosts et eschevins d'autre, aux propres cousts et dépens de la cueillete, et n'y povoit mettre aux cousts dudict péage que une personne tant seullement en chacun lieu ou la dicte cueillete seroit reçue ;

95 . Que les dicts collecteurs jureront par chacun an qu'ils cueilliront bien et loyaument ledicts péages ;

96. Que les dicts collecteurs, tant comme ledit péage dureroit, compteroient deux fois l'an devant les maistres des comptes pour ledict seigneur et devant ceulx qui seroient depputés par les dicts prevost des marchans et eschevins de Paris, et cherroit et cesseroit du tout a tousjours mais le péage dessusdict, tantost comme les dicts collecteurs en auront prins et reçeu jusques a ladicte somme avec les loyaulx cousts, qu'ils auroient fais durant ladicte cueillete, qui seroient prins sur ledict péage;