Rechercher, vexer. Voy. Godefroy, v* Ochoiaoner

13. Et leur quittons en che cas toutes les droitures qui eskeir nous poroient u deveroient dou serf et dou bastartet de leur biens.

14. Et s'il avenoit ke aucuns des raarchans devantdis, de leur compaignons u de leur maisnies fesist aucun fourfait^ quel qui fust, nous n'en poons riens prendre ne demander a chiaus qui coupes n'i aroient ne a leur biens, fors seulement au cors de chelui qui arat fourfait, en manière ke nous, pour quelconques fourfait qu'il eust fait fors que de mort donnié et de triuwes brisiés, ne poriemes prendre ne demander ke vint chine livres tournois, monnoie coursaule; et se li fourfais estoit menrres, mains en deveriemes prendre, selonc le jugement des eskievins u des jurés dou liu ouquel il aroit fourfait; et partant seroit li coupables quittes envers nous et envers les nostres.

15. Et les quittons ausi de toutes les loys, les amendes et les fourfaitures qui eskeroient u poroient eskeir en no dicte ville de Yalenchiennes par cause c'on dist de parler sans engien u par commandement c'on leur fesist u faire peust en quelconques manière que ce fust, ne pour guerre ké nous eusiemes u peussiens avoir, ne que lombard aient entre yaus u que autre gens puissent avoir, nous ne volons ne poons lesdis marchans , leur compaignons ne leur maisnies ne aucun d'iaus occoisoner ne faire occoisoner par nous ne par autrui de par nous.

16. Et s'il avenoit ke aucunes marcandises u aucun bien quelconques qui ^ fussent emblet u a tort deportet tussent as dis marchans u a aucun d'iaus u de leur maisnies vendut u obligiet en quelconques manières que ce fust, nous ne volons mie qu'il soient tenu dou rendre de si adont qu'il soient bien et entirement sols et payet de tout chou qu'il aroient a autru accatet u qui leur seroit en quelconques manière ke che fust obligiet et chou doit on yaus u l'un d'iaus u de leur maisnies simplement croire par leur dis sans autre provance faire.