n. s.), 7 mars
Statuts des merciers.
Bibl. nat., Mss. franc. 24069, fol. 259.
A touz ceus qui ces lettres verront Jehan Loncle, garde de la prevosté de Paris salut. Comme les bonnes gens merciers de la ville de Paris se feussent traiz pardevers nous et nous eussent signifié et donné a entendre que en la marchandise et ou mestier de ladicte mercerie plusieurs malefaçons dommageuses a tout le commun peuple estoient faites de jour en jour par de Haut de gardes convenables qui n'estoient paz oudit mestier et si grandement que, se remède n'y estoit miz, grief et dommage en pourroit venir, vendroit et estoit ja avenu au commun peuple, et pour ce
nous eussent requis et supplié que nous voussissiens
sur ce prouveoir de remède convenable; et, pour ce faire plus deuement et justement, nous eussent sur ce baillé par escript plusieurs articles; et nous, oye la requeste qui nous sembla juste, receu lesdiz articles, pour plus convenablement mettre et faire sur yceus attremprance et ordenances qui selon raison se pueent soustenir, eussiens fait assembler le procureur du roy nostre sire, le receveur pour le roy de la viconté de Paris et la greigneur partie des plus discrètes et honnestes personnes du mestier et marchandise de mercerie de ladite ville de Paris et yceus articles leur eussiens fait lire et exposer mot a mot; et, sus ce oye Tentencion et con^i-
deracion de touz ensemblez et de chascun par soy ,
eussiens ces choses signifiées et monstrées a nos seigneurs
et maistres de la court ; et nos diz seigneurs eussent
commis et estabiis deux de nos dis seigneurs, c'est assavoir le grant doyen d*Evrenches et mons. Jehan du Chastellier chevalier, auzquieux lesdiz articles furent bailliez et les quieux appellerent et firent venir devant eus derechief le procureur du roy nostre sire, ledit receveur d'icelui seigneur en la viconté de Paris et la grignieur partie des plus discrètes et honnestes personnes dudit mestier, ausquieus il firent
lire et exposer mot a mot lesdiz articles et de yceus et de ce qui dedens estoit contenu rendre cause pourquoy et comment ce qui en yceus articles estoit contenu se povoit soustenir ; et ce fait lesdiz doyen et chevalier eussent faite leur relacion de ce et sur ce pardevers nozdiz seigneurs ; et ycelle relacion oye de nosdiz seigneurs et eu grant conseil et deliberacion sur ce, du commandement et assentement d'iceus, de l'assentement et acort du procureur du roy nostre sire, de toutes les bonnes gens qui dudit mestier et de la marchandise de mercerie s'entremettoient en la ville de
Paris ou de la greigneur partie et plus sainne faisons,
ordenons et establissons les articles qui s'ensuivent :
1. ...Que nul ne nulle ne soit si hardiz de prendre en gaiges ne de porter en gages nulles soyes taintes ne escruez, fillées ne a filler et que ceus qui la prendront seront constrains a rendre ladicte soye a ceus a qui elle sera sanz poier point d'argent et avecques ce seront le preneur et le bailleur en la volenté du roy de corps et d^avoir.
2. Que nulz ne nulle ne soit si hardis de faire soye carier* la ou il y ait parmi la soye autre chose que la soye et qui sera trouvé faisant le contraire, la soye sera couppée et paiera xii s. d'amende pour livre.
3. Que nul ne nulle ne soit si hardiz défaire carier florin ^ ne chiez^, de quelque paiz qu'il soient, et qui fera le contraire, il paiera xii s. pour livre d'amende et si sera la soye couppée.
4. Que nul ne nulle ne soit si hardiz de mettre soye a perche qui soit faite en cuve que ladite soie ne soit lavée en yaue clere et quiconques fera le contraire, il paiera pour chascune livre quatre soulz d'amende.
5. Que nulz ne nulle ne soit si hardiz de mettre liqueur en sa cuve la ou en taint soye, par quoy la soie puist plus peser que son droit et qui autrement le fera, celui a qui [sera?] la soie qui en telle cuve sera trouvée, paiera pour
