Pluriel de ckief. C'est encore des résidus, des déchets

chascune livre iiii s. et ceux qui telz cuves feront paieront pour chascune livre vint soulz.

6. Que nulz ne nulle ne soit si hardiz de faire soye noire ou il ait nulle liqueur autre que son droit noir, c'est assavoir liqueur d'uille, liqueur de savon et que la soie soit aussi bien boulie comme nulle autre soye; et cens sus qui celle soye sera trouvée, il paiera dix soulz d'amende pour chascune livre et sera la soye arse.

7. Que nulle personne qui vende soye escrue a filer, laquelle soye a liens de hors entour la teste, ne soient si hardiz de hoster lesdiz liens d'entour la soye et qui fera le contraire, il paiera cent s. d'amende et restituera a l'acheteur* lesdiz lienz.

8. Que nulz ne nulle ne face faire soye ou il ait point de tronçon mis parmi la soye, lequel tronçon on appelle plange, et les personnes suz qui celle soye sera trouvée, paieront pour chascune livre pesant cinq s. c'est assavoir autant de l'escrue filée comme de la tainte et sera la soye coupée,

9. Que nulle fillerresse marchande de soie ne soit si hardie que elle prengne d'autruy soye a filler ou cas qu'elle n'aura 2 la marchandise et qui sera trouvé faisant le contraire, elle sera en la volenté du roy des corps et des biens.

10. Que nulz ne nulle ne soit si hardiz qu'il achate soye de personnes {sic) non aagiée ne de personne servant a autrui et que, se apportée li est, que il la retiengne et sachez les lieux dont elle vient et ainsi de toutes autres euvres qui appartiennent a mercerie, et qui sera trouvé faisant le contraire, il en sera a la volenté du roy du corps et d'avoir.

11. Que nulz ne nulle ne soit si hardiz d'aler acheter soye et de changier soye pour soye en maison de personne ne a personne qui file soye et qui fera le contraire, il paiera dix s. d'amende pour chascune livre, tant le vendeur comme l'acheteur.