Ms. : menrra

12. Que nulz ne nulle ne soit si hardiz de vendre bourrete escrue ne hart ne tronçon^ sus poinne d'encourre en la merci du roy de corps et d'avoir.

13. Que nulle fillerresse de soye qui euvre a autrui ne soit si hardie que elle baille soye a autrui personne que a celui qui la soye sera, sur poinne de xi s. d'amende tant [a] celi qui la prendroit comme a celui qui la bailleroit.

14. Que nulle Bllerresse de soye ne soit si hardie que elle face en soye nul mauvaiz malice, c'est assavoir estrichemens qui se fait par mauvaises liqueurs dont la soye est plus pesant, sus poinne de xii s. d'amende et la value du dechié de la soye, laquelle value sera baillée a celui qui la soye sera.

15. Que nulle personne ne soil si hardie de vendre soye escrue a filler ou il ait fourreure dedens, sur poinne de cent s. d'amende pour chascune baie, laquelle fourreure, se trouvée est, cherra en terre et sera descomptée du poiz de ladicte soye.

16. Que nulle fillerresse de soye ne puisse lourcer sa soye a ii fuisiaux forz que a un sur poinne de cinq s. d'amende.

17. Que nulz ne soit si hardiz de faire ou de faire faire ou de vendre draps de soye, se la tissure n'est aussi fine soye comme l'ourture, ne de vendre chapperons de soyé

.qui ne soit de fine soye, et qui fera le contraire, le drap ou le chapperon sera couppé au lonc et si paiera xs. d'amende.

18. Que nulz'ne nulle ne soit si hardiz, sur poinne d'estre bann^iz un an de la viconté de Paris et de paier vint liv. d'amende, d'estre courretier de la marchandise dont il sera marchant.

19. Que nulz ne nulle ne soit si hardiz de ourdir en tissuz ne en chappiaux ou en çaintures ne en bourses fil ne florin avecques fine soye, sur poinne de xii s. d'amende et sera la pièce de l'euvre couppée.

^. Ces mots désignent la bourre [bourrelé), les bouts eusses (? tronçon) et, aune façon g-énérale, le rebut de la soie.

6Ô bOCUMENtS RELATIFS A L'HIStOiRË [1324]

20. Que nulz ne nulle ne sait si hardiz de faire ne de faire faire, d'acheter ne de vendre tissuz a or, se il ne sont tissuz dedens fine soye, et que les tissuz qui d'or seront faiz soient faiz de tel or qu'il soient soufSsans, c'est assavoir or que l'en appelle de Chippre et or de Paris. Et que nulz ne nulle ne soit si hardiz de mesler autre or avecques yceus ne de mettre y or de Luques^ et, se il avient que l'en tiesse d'or en canon, que l'en garde qu'il ne soit adjoint avecques autre or et qui sera trouvé faisant le contraire, il paiera XII s. d'amende et sera la pièce d'euvre couppée.

21. Que nulz ne nulle ne soit si hardiz de faire ne de faire faire, vendre ne acheter tissuz ferrez d'argent au lonc qu'il ne soient tissuz de fine soye et que lezdicts tissus soient ferrez de tele estoffe et de telle garnison que ladicte estoffe et ladicte garnison soit plus pesant que le corps du tissu, c'est assavoir qu'il y ait plus argent que soye, especialment cens qui a poiz se vendent et qui se vendront et, se aucuns est trouvé faisant le contraire, il paiera xii s. d'amende et si sera la pièce d'euvre couppée.

22. Que nulz ne nulle ne soit si hardiz qu'il garnisse nulz tissus d'argent de ferreure qui soit creuse, et qui se fera il paiera xii s. d'amende et si sera la pièce couppée.

23. Que nulz ne nulle ne soit si hardiz de faire ne de faire faire, de vendre ne d'acheter tissuz que l'en dit trenchiéz qui ne soient tissuz de fine soye, et qui fera le contraire, il paiera xii s. d'amende et si sera la pièce de l'euvre couppée.

24. Que nulz ne nulle ne soit si hardiz de vendre ne d'acheter chappiaux, çainturez, tronçons^, ataches, quielx qu'il soient, c'est assavoir cens qui sont a fines pelles ou il ait adjoint nulle euvre, se elle n'est d'or ou d'argent, et qui sera trouvé faisant le contraire, l'euvre sera couppée et si paiera douze s. d'amende.