Àecord

chouses dessusdites, seront venuz, se il y avoit résidu de ladite recepte, comptez les cous dessusdiz, ledit résidu sera restituez a chescun d'iceux qui auront paie selon ce qu'il li apartendra; pour quoi ge vous demant si vous acourdez a ce. » — Desquieux chouses davantdites les persones dessus devisées se alerent conseiller et aviser. Et heue sus ce délibération l'un ob l'autre, toutes les personnes dessus nommées, par noms que dessus et chescune pour soy, distrent et responsirent que il vouloient et otroyoyent les davantdites chouses et promistrent paier lesdiz sis deniers pour pièce, selon la manière dessus devisée. De toutes lesquieux chouses dessusdites einssint dites, faites et accordées, ledit maire, pour nom que dessus, requist a moy public notaire dessouz escript que je l'en feisse et otroyasse cest présent public instrument, lequel ge li otroyay de mon office souz ceste fourme.

Item, en l'an dessus dit, le mardi avant la feste de la décollation S. Johan Baptiste, environ hore de none, en la vile de Bancs*, en la meson Guillaume Grant, bourgois de Bancs, en la présence de moy public notaire et des tesmoins dessus escriz, Pierre Assailli, bourgois de la vile S. Johan d'Angeli , dict et declaira, pour nom de ladite commune, audit Guillaume Grant les chouses dessus devisées et declairées et li demanda se il s'i acordoit par la manière que dessus est declairé. Lesquieux chouses oyes, ledit Guillaume Grant dist et respondit en ceste manière : « Je me acort bien a tout ce et le veul et promet fere en la manere que les prodes hommes de S. Johan le feront. » Desquelles chouses dessusdites ledit Pierre Assailli, par nom que dessus, me requist instrument public par la manere que dessus.

Ceis chouses furent faites en l'an, jours, houres, lieuz, et régnant comme dessus.

1, Nom du quartier de la ville de Saint-Jean-d'Angelyoù se tenait le marché.