n. s.), 21 janvier
Bijoua: en verre imitant les bijoux en cristal. Bibl. nat.y Mss. franc. 24069, fol. xii"xiiii.
A touz ceus quî ces lettres verront Jehan de Milon, garde de la prevosté de Paris, salut. Sachent tuit que Tan de grâce mil CGC trente et un, le XXI® jour de janvier, furent presens en jugement pardevant nous le procureur du roy nostre sire et Pierre Guerart, Jehan Boule, Pierre Clouet, Pierre G ueron, maistres et gardes du mestierdes cristailliers et perriers en la ville de Paris, pour tant comme a chascun touchoit et povoit touchier, d*pne part, et Durant Gaingnepain, Jehannot du Puis, Jehan de Feugieres et Climent son frère qui se disoient ouvriers et faiseurs de pierres de Voirres appellées voirrines d'autre part, les quiex procureur du roy et maistres dudit mestier des cristalliers disoient et proposoîent que, de très grant encienneté, pour le prouflit commun et pour eschiver toutes decevances, faùssetéz, qui peussent ou pourroient escheoir en leurdit mestier, il avoit este ordené et par grant deliberacion par un de nos predeccesseurs prevos de Paris qui pour le temps estoit, une ordenance sus leurdit mestier, qui fu enregistrée ou Chastelletde Paris, en laquele ordenance, entre les autres choses contenues en ycelle, fu ordené la clause dont la teneur s'ensuit :
<( Nulz ne peut ne ne doit joindre voirre en couleur de cristal par tainture ne par pointure nulle, quar Teuvre en est fausse et doit estre quassée et despeciée, et le doit amender au roy, selon la volenté et le jugement du prevost de Paris ».
Et qu€, depuis qu'il fu ordené en la manière que dit est, ycelle ordenance avoit esté gardée et maintenue et comme bonne et loyal approuvée par les genz dudit mestier, si comme il disoient. Or disoient que les dessusdiz ouvriers de pierres verrines s'estoient efforciez de faire et ovoient fait
pluseurs pierres de voirre blanc fondeisses^ et depuis taillées^ ausqueles il avoient mis pardessouz tainture qui est appellée rose , semblables et contrefaites a la façon de pierres de cristal appellées doublez, en décevant le peuple qui des doublez avoient a faire pour mettre en euvre, les quiex pierres de voirres et yceuls doublez estoient d'une mesmes semblance , ja soit ce que les doublez vausissent miex sanz comparaison, et en venant contre la teneur dudit registre, si comme il disoient. Et disoient que pluseurs pierres de voirre que les dessusdiz voirreniers avoient fait en la manière que dessus est dit, lesdictes gardes du mestier dessusdit les avoient fait prendre par vertu de la commission de nous a euls donnée, et fait apporter pardevers nous, lesqueles il disoient et maintenoient estre fausses, pour ce que il estoient taintes de fausse et de mauvaise couleur, par ce que la tainture qui y estoit de couleur de rose devoit estre tainte de sanc de dragon^ si comme il disoient, avecques pluseurs autres raisons tendans afin que nous lesdictes pierres de voirre condampnissiens comme fausses et taintes de fausse couleur a despecier et casser, et que il feust deffendu aus dessusdiz verreniers et aus autres dudit mestier que d'ores en avant ne s'entremeissent de mettre tainture de rose esdictes pierres, en la manière que dessus est dit, et que il fussent condampnéz a amender au roy nostre sire ce que fait avoient, se il congnoissoient que ainsi fust, et, se il le nyoient, il en offroient a prouver ce qu'il leur en souffiroit a la fin ou aus fins dessus dictes. Et au contraire yceuls verreniers eussent proposé que, de grant ancienneté jusques a ore, il avoient usé, fait et maintenu de faire pierres de voirre fondeisses fendues au cizel et au martel, et d'icelles taindre et leur donner couleur de tainture appelée rose, au veu et au sceu de ceuls du mestier des cristalliers et des perriers, si comme il disoient, avecques pluseurs autres raisons tendanz afin que la requeste des dessusdiz ne feust pas faite, et que il, si comme il avoient acoustumé, si comme
