Fondues

il disoient , peusseiit faire d'ores en avant iesdictes pierres fondeisses fendues au eizel et au martel de couleur et mettre couleur de rose en la manière que dessus est dit. Et après pluseurs altercacions eues entre Iesdictes parties, nous en leur présence feismes venir pardevant nous pluseurs orfèvres de la ville de Paris congnoissans en teles choses, et yceuls feismes jurer aus sains Evvangilles de Dieu et leur demandasmes par leurs seremens se lesdiz verreniers povoient par raison et pour le prouflît commun faire Iesdictes pierres de voirre tainte de couleur de rose ou non; lesquiex nous rapportèrent et par leur seremens que lesdiz verreniers povoient bien faire pierres de voirre vermeilles fendues au cizel sanz fons taintes de sanc de dragon, et ne povoient tailler ne joindre nulles et ne les povoient faire que rondes de voirre blanc , sanz y mettre point de rose ; et, se il les faisoient autres, il seroient fausses et mauvaises, si comme lesdiz orfèvres le nous affermèrent par leursdiz seremens. Et, ce fait, ledit procureur du roy nostre sire, et lesdiz maistres dudit mestier des cristalliers et des perriers, nous eussent requis que nous leur feissiens leurdicte requeste. Pourquoy nous, oy Iesdictes parties en tout ce qu'il voudrent dire, veu ledit registre a nous apporté desdiz cristalliers et perriers, oy le rapport desdiz orfèvres, considéré les fraudes et decevances qui pourroient estre et avenir d'ores en avant oudit mei^ier des verreniers, se esdictes pierres de voirre mettoient ladicte couleur de rose, et tout ce qui faisoit a considérer, deismes et prononçasmes et prononçons que lesdiz verreniers feroient et pourront faire, se il leur plaist, pierres de voirre fondues et fendues au cizel et au martel sanz fons, et les pourront taindre de sanc de dragon tant seulement, sanz y mettre tainture de rose, et ne les pourront tailler ne joindre, et, s'il les font autres, elles seront despeciées et condampnées comme fausses et a amender au roy; et deffendismes aus diz voirreniers que d'ores en avant il ne s'entremeissent de faire pierres de voirre fondues, fendues au cizel et au martel [ne] de ycelle [s] taindre de tainture de rose. Et yceuls condampnasroes amender au roy

nostre sire ce que il en avoient fait, la tauxacion des amendes [réservée?] pardevers nous. En tesmoing de ce nous avons fait mettre a ces lettres le seel de la prevosté de Paris. Ce fu fait en jugement Tan et le jour dessusdiz.