et 5 mai
Prisée (Tune maison par les maçons et charpentiers jurés de la ville de Paris et quittance de la vacation reçue par eux pour leur prisée,
G. Fagniez, Études sur V Industrie Append., n» xxxvi.
De l'accort et assentement de Estienne Obbisse, sont aléz les jurez du roy nostre sire de la ville de Paris maçons et charpentier en une maison séant en la rue Thibaut aus déz tenant de touz costéz aux maisons du roy nostre sire ou l'en fait la monnoie d'ycelli seigneur, et laquele maison est au dit Estienne, si comme il dit, pour savoir et rapporter combien ladicte maison pourroit valoir et peut valoir a présent a juste pris, compté dedens vint et cinq livres de cens en quoy elle est par avant charchiée. C'est assavoir les noms des jurez : Jehan Pintoin, Vincent du Bourc la Royne, maçons, et Renier de Saint Lorent, charpentier. Rapportent les jurez qu'il oiit esté en ladicte maison en bas et en haut et en toutes les appartenances dudit hostel , et veu l'ostel , si comme dessus est dit, a grant deliberacion, ladicte maison vaut, compté le cens dessusdit dedens, cinquante livres
parisis une foiz paiéz seulement, lequel pris dessusdit les jurez dessusdiz rapportent avoir fait bien et loiaument a leur povoir et le tesmoignent par leurs seauls. Ce fu fait le IIP jour de may, Tan mil CGC quarante et neuf.
De par les generauls maistres des monnoies du roy nostre sire. Pierre Brac, baillez a Jehan Pitoin, a Vincent du Bourc laRoyne, maçons et a Renier de Saint-Lorent quarente solz parisis en prenent lettre de quittance d'eulz, par laquele, en rapportant ces présentes , nous les ferons aloer en vos comptes. Escript à Paris le IIP jour de May, l'an quarente et neuf.
Sachent tuit que nous Jehan Pintouin, Vincent du Bourc la Royne, maçons et Renier de Saint Lorent, charpentier, touz jurez du roy nostre sire en la ville de Paris, confessons avoir eu et receu des generauls maistres des monnoyes dudit seigneur, par les mains Pierre Brac, quarante soulz parisis qui nous estoient deuz pour cause de nostre salaire de prisier une certaine maison, laquele est Estienne Obbisse, séant en la rue Thibaut au déz, tenant de touz costéz ans liaisons ou l'en fait les monnoies du roy nostre sire a Paris, desquels quarante soulz parisis nous nous tenons a Wen paiéz, et en quittons les maistres generaulx, ledit Pierre et touz autres a qui quittance en peut et doit appartenir. En tesmoing de ce nous avons seelé ceste quittance de nos propres seaulz dont nous usons en nostre dit office, le V® jour de may, l'an mil CGC quarante neuf.
(Les sceaux sont en cire rouge sur des attaches de parchemin. Dans le type on remarque des outils.)
