avril

Création de maîtrises par droit de joyeux at^ènement.

Arch. nat. Trésor des chartes, reg. 96, p. viii«xiiii.

Charles... savoir faisons... que, comme en nostre joieux advenement au gouvernement de nostre royaume a nous de nostre droit royal appartiengne mettre et instituer un bouchier en la grant boucherie de Paris, nous pour ce considerans les bons et agréables services que nostre amé bouchier, Guillaume Haussecul nous a fais ou temps passé longuement et loyalment en plusieurs manières et fait chascun jour et espérons qu'il nous face encores ou temps avenir, ycellui Guillaume avons fait, créé et institué, faisons, créons et instituons par la teneur de ces présentes, de grâce especial et de nostre auctorité royal, bouchier de la grant boucherie de Paris a tenir, avoir et posséder perpetuelment et a tous jours ycellui mestier de boucherie par ledit Guillaume et sa postérité en droite ligne et joir et user des privilèges, franchises, libertés et drois quelconques qui audit mestier de boucherie compétent et appartiennent si et comme les autres bouchiers de ladicte boucherie en usent et joissent... Si donnons en mandement et par la teneur de ces présentes commettons, se mestier est, au maistre des bouchiers de ladite boucherie que le dit Guillaume mette et face mettre, veues ces présentes, sanz nul délais, en possession et saisine dudit mestier de boucherie et d'icelui, avec les drois, libertés et franchises qui y appartiengnent, face et laisse le dit Guillaume et sadicte postérité en droite ligne joir et user a tous jours paisiblement et sanz aucun empeschement tout en la fourme et manière que les autres bouchiers de ladite boucherie en joissent et usent... Et, pour ce que ce soit ferme etc., nous avons fait mettre a ces présentes nostre seel duquel nous usions avant que nous venissions au gouvernement de nostre royaume... Donné en nostre chastel du Goulet le XVIP jour du mois d'avril. Tan LXIIII. Ainsi signé : Par le Roy. P. Michiel. Visa.