n. s.;, janvier

Charles V accorde à Evrard de Boessay^ marchand de couteaux y la propriété héréditaire de la marque de fabrique de Jean de Saint-Denis, fabricant de lames de couteaux^ mort sans héritier,

G. Fagaiez, Études sur l'industrie , Append., n° lv.

Charles savoir faisons a touz presens et advenir que,

comme Evrart de Boessay, marchant de cousteaux, ait de lonc temps acoustumé a faire faire alemeles de cousteaux au seign de la corne de cerf que forgoit de son héritage Jehan de Saint Denys, autrement dit de Saint Germain en nostre ville de Paris pour le temps qu'il vivoit, auquel seign aucuns autres, se par sez genz n'estoit et de son commandement, sur peine de xl liv. par. d'amende paier a nostre prolfit et d'avoir forfait sez danrrées, n'osast forgier, et a présent ne soit demouré aucun héritier ne successeur dudit Jean qui ledit seign doie ou puisse faire, si comme l'en dit, et pour ce ledit Evrart, qui de touz temps a accoustumé a faire faire allemeles a cousteaux au seign de la corne de serf, comme dit est, nous ait fait supplier que de nostre grâce nous plaise a lui octroier pour lui et pour sez hoirs que il puisse faire forgier par aucun bon ouvrier et bon forgeur en nostre royaume alemelez a cousteaux audit seign de la corne de cerf en la manière que le faisoit et faisoit faire ledit Jehan et sez prédécesseurs ou temps que il vivoient; nous, înclinans a la supplicacion de ceulx qui sur ce pour ledit Evrart nous ont supplié, a ycelli Evrart, pour lui et pour sez hoirs yssuz et a ystre de son corps en loyal mariage .et qui samblablement comme lui seront marchans d'alemelez a cousteaux, avons donné et octroie a héritage et par cez présentes, de nostre certeinne science, grâce especial et auctorité royal, donnons et octroions ledit seign a la corne de cerf, ou cas qu'il ne seroient aucuns hoirs demourans dudit Jehan a qui ledit seign devroit appartenir par raison, et nous plaist et voulons que ledit Evrart et sez hoirs puissent faire [a] ycellui

Fagxibz. ■— Documents relatifs à l histoire de l'industrie et du commerce. ~- H. 7

98 DOCUMENTS HELATIFS A L'HISTOIRE [1365

saing forgier par aucun bon ovrier en nostre dit royaume, sans ce que autres ovriers ou cousteliers qui onques ne for- . gèrent a ladicte forge le puissent contredire ne y forgier en aucune manière , fors que celi a qui il le fera faire , sur la peine dessusdicte. Si donnons en mandement par la teneur de cez présentes au prevost de Paris et a touz noz autres

justiciers, officiers et subgez que de nostre présente

grâce et octroy facent et laissent joyr et user le dit Evrart et s'ez hoirs et successeurs perpetuelment et heritablement. . . Et que ce soit ferme chose et estable... Donné a Paris Tan de grâce mil CGC soixante et quatre, ou moys de janvier.