juin

Usages de la grande boucherie de Paris homologués par

Charles VI.

Lespinasse, Les métiers et corporations de la ville de Paris y I, 266.

Karolus, Dei gratîa Francorum rex

Par vertu desquelles lettres dessus transcrîptes *, les dîz bouchiers, si comme ilz dient, ont usé paisiblement par si longtemps qu'il n'est mémoire de homme au contraire, par la manière qui ensuit et qu'il est contenu en leurs anciens cartulaires faiz sur ce et approuvés de grant antiquité par ceulz du mestier.

1. Premièrement, touteffoiz que leur chief ou maistre de leur meslier est aléz de vie a trespassement, toute la juridicion, les drois, les emolumens qui a lui appartenoient, tant comme il vivoit, pour raison de ladicte maistrie, sont et demeurent ans quatre jurez, et les pevent lesdiz quatre jurés démener et faire le prouffît du commun, et leur est ledit commun tenu de obéir en toutes choses tout aussi comme il feissent audit maistre, se il fust en vie, et punir les desobeissans et rebelles, et convertir les aamendes et tourner ou prouffît commun, touteffoiz que le cas s'i offre.

2. Item, touteffoiz que le cas advient que le maistre desdiz bouchiers est aie de vie a trespassement, les jurez et le commun de ladicte boucherie se doivent assembler dedens un mois, a compter du trespassement dudit maistre, et tuit li autre a qui appartient Teslection a faire dudit maistre , et que l'en a acoustumé d'appeller au lieu ou l'en a acoustumé d'eslire ledit maistre; et illec sont esleuz desdiz bouchiers douze des biens souffisans de eulx touz, lesquelz auront povoir d'eslire ledit maistre et lesquelx, quant il seront esleuz, jureront tantost, tout avant que il voisent a l'eslection , que ilz nommeront et esliront a leur escient le plus souffisant de eulx touz a estre maistre. Et cellui que touz les douze esleuz ou la greigneur partie d'iceulx nommeront ou

1. Privilèges royaux concédés aux bouchers du xii* au xiv* siècle.

esliront concordablement a estre maistre, soît de eulx, soit du commun, sera tenu, réputé et approprié pour maistre de eulz, de leur me&tier et du commun.

3. Item, trois escorcheurs seront esleuz qui feront les semonces, les mémoriaux et les execucions, quant il seront a faire ; et croira l'en a leur rapport par leur serement, ou a l'un d'eulx, ausquelx l'en sera tenu d'obéir, comme a clers et serge ns jurez dudit mestier.

4. Item, se aucun est semons par devant ledit maistre et jurez a certaine journée, et il ne vient, pour le deffault que il deffaudra, il pourra estre contrains a paier dix sept soulz six deniers ; et» tant en pourra demander l'achateur ou le fermier de ladicte juridicion ; mais selon ce que les maistres et jurez le verront obéissant, il tausseront* pour le premier deffaut douze deniers et pour second deffault deux solz, pour tiers deffaut dix sept solz siz deniers, et lors li puet le mestier estre deffendu du mestre ou des jurez et, se fait, se il taille, combien qu'il ait chevi a son adversaire, senz empêtrer son mestier dudit maistre ou jurez, il chiet en amende de dix sept sols vi denîers ; et s'il avient qu'il soit trouvé taillant sur deffens, senz chevir a son adversaire, et senz empêtrer son mestier ou congié, il chiet en ladite amende de dix sept solz six deniers, et puet on faire prendre toute sa char, combien que elle soit morte, sur son estai par lesdiz sergens, qui que la char soit, pour ladicte amende, et pour faire satisfacion a partie; et, se il advient que il désobéisse ou face resqueusse, et lesdiz sergens se doubtent de greigneur force, il doivent venir au maistre dudit mestier ou aus jurez et empêtrer de leurs compagnons escorcheurs pour eulx aidier; et ne doivent aler se il ne veulent a celle ue a autre execucion lesdiz maistres et jurez, se il ne leur pl^ist, mais y doivent envoîer force de leurs escorcheurs et de leurs gens, qui Testai dudit contumaux et désobéissant pourront geter jus et abatre a terre ; ou, se il persévère en son malice, despecier le ou ardoir ou getter en Teaue, selon le repart du maistre ou des jurez.

^« Edit. : taasseront.

5. Item, que de touz les prouftiz et emolumens qui ystront ou pourront issir de la juridicion desdiz maîstre et jurez, soit en deSaux, soit en amendes ou autrement, le tiers en tournera pardevers et au prouffit dudit maistre; et les deux pars tourneront au proufHt du commun, a paier le conseil ou autrement, selon ce que l'en verra que bon soit.

6. Item, ledit maistre ne pourra faire ne recevoir bouchier ne escorcheur senz l'accord et assentement des quatre jurez et d'aucuns des preudeshommes dudit mestier.

7. Item, que les quatre jurez dudit mestier qui seront pris et esleuz chacun an du maistre et du commun, feront toutes les mises et receptes, et recevront touz les exploiz des rentes, des loyers et de touz les emolumens de la juridicion, et en rendront bon compte par leurs seremens, dedens les huitines ou la quinzaine au plus tart de la journée que Ten a acoustumé a asseoir les estaux, au maistre et a six preudeshommes qui a ce seront esleuz et appeliez, se il ne sont vendues ; et, se lesdites rentes, loyers ou emolumens de la juridicion sont vendues , tout aussi en sera tenu l'achateur de faire et en rendre bon compte et loyal par son serement, au jour dessusdit ; et n'en pourra ledit fermier emporter l'argent de la recepte du jour de l'assise ne de lendemain ; ainçois le baillera aus jurez scellé soubz son seel ; lesquelx jurez le porteront et mettront en la huche du mestier.