Item, ledit maistre ne fera mise ne recepte par sa main

9. Item , le maistre et les jurez jurent, quant il sont créez et faiz, que il seront presens en leurs personnes a touz les trois jours que l'en a acoustumé de tenir leurs plaiz, se ilz n'ont grant empeschement ; et aideront au maire ou a cellui qui tendra les plaiz, a faire droit de eulz et d'autrui , senz ce que il dient villenie a nuUi , ou au moins deulx avec le maistre ou son lieutenant.

10. Item, l'en doit avoir un petit seel ou signet, qui sera tout^ propre et perpétuel, a signer toutes les actes ou mémoriauxet les gagemens que Ten fera des plaiz et des causes; lequel sera mis en la hiiche des papiers ou en une boiste, ou il aura trois clefs, dont l'une sera baillié au maistre et l'autre?

au maire, et la tierce a Tun des jurez; et aront les clers deux deniers de chascun mémorial et gagement escript; et pour le signet du gagement la partie en paiera deux deniers, lesquelx seront mis avec les exploiz de la juridicion, et si ne prendra l'en rien de sceller les mémoriaux, et de chascun sereraent, soit de tesmoings, soit de partie que l'en fera jurer, l'en prendra un denier, lequel sera mis avec les exploiz de la juridicion.

11. Item, que cil ^ qui sera semons a la requeste d'un forain pour denrées vendues en plain marchié, senz jour et senz terme, et il ne vient que son procureur, ledit procureur n'aura point de jour d'avis oudit cas, mais respondra présentement, et, se il deffault, l'en le gagera tantost pour le deffault et pour la ,debte du marchant; et des autres qui seront semons pour debte ou convenance faite hors de marchié ou en plain marchié, dont terme n'aura esté donné, seront menez par droit, si comme raison appartient a faire, ne n'entent l'en pas donner terme du samedi au dimenche ou au lundi ou au mardi.

12. Item, que lé bouchier qui vendra mauvaise char sera puniz de lx solz d'amende et de foirier^ huit jours ou xv, selon le regart du maistre et des jurez tant seulement ; et son voisin qui l'aura veu se il ne l'encuse, se il ne puet faire foy souffisans que riens n'en savoit, foirera aussi selon le regart dessusdit.

13. Item, se la femme de un bouchier demeure après la mort de son mary senz enfans bouchiers, chargiée de denrées mortes, elle les puet vendre et adenerer aussi comme se son mari vesquist, soient pors, buefs, moutons ou lais, senz nulles autres tuer ne achater de nouvel.

14. Item, chascun bouchier ou escorcheurs qui sera semons ou Chastellet ou ailleurs, se fera requerre sur paine de l'amende par son serement.

15. Item, l'assise des estaulz est toutefToiz le vendredi après la saint Jaque et la saint Christofle , et a celle journée, les