n. s.), 14 janvier

Carrière de Colart de Laon, peintre valet de chambre

du roi,

Arch. nat., Reg. du Trésor des chartes, JJ 162, fol. 108, n» 136.

comme* il nous ait bien servi

longuement et loyaument de son dit mestier de paintre et fait plusieurs besongnes pour nous de son dit mesti^er, tant es joustes et autres festes que nous avons faictes, quelque part que nous avons esté, et aussi en tous voyaiges que nous avons faiz puis nostre sacre, et aussi est [sic) fait plusieurs besongnes pour feu nostre très chier et très amé frère le duc d'Orléans, et pour plusieurs autres grans seigneurs de nostre royaume, es quelles besongnes dessus dictes il a emploie son temps et exposé sa personne continuelment et mis toute ou la plus grant partie de sa chevanche, car il lui a convenu faire les finances du sien, pour faire les besongnes dessus dictes, et mesmement pour la feste que pieça Gsmes a Saint Denis, et pour l'entrée de nostre très chiere et très amée compaigne la royne, es quelles il despendi très

1. Ces faits sont invoqués par Colart de Laon comme des titres à l'indulgence royale dans le préambule des lettres de rémission qui lui furent accordées. 11 s'était rendu coupable de fraudes dans différentes opérations financières.

grosses somme» de deniers qu'il emprunta et dont il fist finance a grant perte pour lui, et n'en fu paie ne contenté que de la moitié que ses despens et journées valoient. Et aussi fist pour ceulx qui alerent ou voyaige de Honguerie, comme pour le feu sire de Coucy, Tadmiral de France, Jehan de Vienne, Guy de la Tremoulle, Regnault de Roye et plusieurs autres barons et seigneurs de nostredict royaume, plusieurs besongnes, lesquelles, pour la grant confiance qu'il avoit en eulx et en leurs promesses, qu'ilz lui affermoient par serement de le bien paier et contenter, lesquelles besongnes montèrent a plus de dix sept cens francs, desquelx il ne peut depuis avoir denier, pour pourchas, peine et travail qu'il y ait mis. . .