L'arracha (par rescousse) à Viart

Le procureur du Roy propose au contraire selon informacions faictes d'un côsté et d'autre et dist que Alison est jeune femme bien amoureuse et apert à Teuil et est mariée et a laissié son mari et a demouré en la Conroirie ou la norrisoit un prestre d'une église de ceste ville et depuiz un lombart la tint, qui vit une foizun varletavec Alison dont lui desplut, si entrerompi son procès par demi an et fu grosse et donna Tenfant au lombart qui reprint depuiz le procès et lui donna une maison et vint demourer en la Pierre au let, ou son huiz a esté rompu m foiz et de nuit et si déposent tesmoins qu'elle a moult d'accointtes et si a ii suers dont elle a esté maquerelle qui n'est pas maquerelie, comme dient aucuns, mais bonne compaignie puiz qu'elle ne prant point d'argent. Dist que depuiz ala demourer ailleurs en la rue des Arsiz, ou elle a maintenu sa marchandie grandement, car elle a xii notables pensions comme mesme elle a confessé et dit un qu'il scet que xl compaignons l'ont bien cogneue et, pour ce que esclande en estoit, requeste fu baillée au prevost qui lui fit commandement qu'elle se pourveust ailleurs, etc..

Appoinctié que la court verra les lettres, considérera les raisons et au conseil.