août

Les bouchers de la grande boucherie^ à la suite de sa démolition y sont répartis en quatre boucheries nouvelles ^ privés de leur juridiction et de leur constitution oligarchique et placés sous la dépendance du prévôt de Paris,

Lespinasse, Les Métiers et corporations de la ville de Paris ^ I p. 274.

Charles, par la grâce de Dieu, roy de France. Savoir faisons a tous presens et advenir que, comme pour la decoracion et embellissement de nostre bonne ville de Paris, et pour pourveoir et obvier aux infections et corruptions nuisables a corps humain, qui par les immundices de la tuerie

et escorcherie des bestes qui par long temps a esté faicte, au dessus et assez près de notre Chastellet et du grant pont de Paris, et pour autres justes et raisonnables causes a ce nous mou vans, contenues et déclarées en certaines noz autres lettres sur ce faites, nous, par grant et meure délibération de conseil, avons ordonné que certaine boucherie nagaires estant devant nostredit Chatellet, appellée la grant boucherie de Paris, seroit abatue et démolie jusques au rez de terre et aussi que la tuerie et escorcherie des bestes ne seroit plus ou lieu ou elle avoit accoustumé d'estre faicte, ainçois seroit faicte aillieurs en lieu ou lieux moins nuisables a la chose publique de notresditte ville, et moins disposez a la corruption et infection de l'air d'icelle, lesquelles nos lettres ont esté publiées et exécutées, quant a la demolicion de ladite boucherie, et soit ainsy que, mettant a exécution nostre dite ordonnance, nous avons fait abattre et démolir ladite boucherie et encores n'ayons ordonné lieu ou lieux la ou doresnavant lesdites boucherie, tuerie et escorcherie seront, nous qui, de tout nostre cueur, desirons pourveoir au bien et utilité et aisément des habitans, frequentans et conversans * en nostre dite ville de Paris et a la bonne. police et gouvernement d^celle et d'en oster et d'esloingner tout ce qui peut estre cause et occasion de corruption ou infection d'air et de nuire a corps humain, et aussi voulans obvier aux inconveniens qui par communaultéz et assemblées de gens se sont aucunefToiz ensuiz es temps passez et de legier se peuvent ensuir, et pour certaines autres justes et raisonnables causes a ce nous mouvans, avons, par grant et meure délibération de conseil, tant de ceulx de nostre sang et lignaige, comme des gens de nostre grant conseil, d'aucuns de nostre parlement, de nostre chambre des comptes et des prevostz des marchans, eschevins et plusieurs notables bourgois de nostre dicte ville, fait et ordonné, faisons et ordonnons de nostre certaine science, auttorité royal et plaine puissance, les ordonnances qui s'ensuivent ;