juillet

Frais excessifs du past chez les bouchers, Arch. nat., Reg. du parlement. Matinées Xi», 4795, fol. 293 v®, 301 v».

En la cause d'entre les bouchiers de Chartres d'une part

et le procureur du roy d'autre part, les bouchiers

requièrent l'entérinement des lettres royaulz par eulz obtenuez afin qu'ilz puissent joyr de leurs ancians privilèges. . .

. .Le procureur du roy dit que et coustoit bien le

past VI" livres, qui estoit a grant charge et n'estoit que ung abus et faisoient grans disners et grans despenses qu'il convenoit reprendre sur leur communaulté ou sur les chars qui vendoient et faisoient de grans abus en l'achat du bestail pour ce que nul n'en achetoit ne vendoit que eulz et, depuis que les marchans de bestail avoient refusé le premier pris offert par les bouchiers, jamais n'en offrissent tant et dit aussi que es pastz qui se faisoient le maistre des bouchiers estoit en ung siège plus hault que les autres, tenant ung grant coustel en sa main et avoit cent solz sur chascun past qui coustoit oultre par dessus bien vi" livres et pour les abus on s'informa du prouflfit et du dommage de la chose publique et y ot certaines ordonnances faictez

En * la cause d'entre les bouchiers de Chartres demandeurs

... et le procureur du roi défendeur Les demandeurs

répliquent dient que ne peut aucun estre bou-

chier s'il n'est filz de bouchier et qu'il ait paie le past acoustumé et telz sont lez status et ordonnances en la boucherie

de Paris et sont bien xxiiii bouchiers jurez on

feroit bien ung past pour moins de vi" livres et ne sont que a volenté et feroit on bien ung past pour xx, pour xxx francs,

pour XL francs selon Testât de personnes

Le procureur du roy dit que lez pastz sont de grant charge au peuple... et convient faire les pastz très sumptueux et ne sont mie a volenté

Appoinctié. . . au conseil et fera droit.