MANIEMENT DE LE VAIRIB

C'hest le maniement de nouvel mis sus par nous David de Brimeu, seigneur de Ligny, de Bris, chevalier, conseiller et chambellan de monseigneur de Bourgogne, conte d'Artois, et gouverneur d'Arras, et nous maieur et eschevins de le ville d'Arras, sur le fait* et marchandise de pleterie et vairie qui se fera en ledite ville, et eschiever les fraudes qui sur ce se porroient ensuir.

1 2. Que puis ores en avant, tous pelletiers, vairîers et autrez qui du mestier et marchandise de pleterie et vairie se verront entremettre, faicent et s'entremettent de noefve pelleterie et vairie, boine, loialle et marchande, qui puist passer Teswart que sur ce sera ordonné par nous eschevins, sans ce qu'il y ait rens de vieze œuvre jointte ne entremellée aveuc le noefve, sur encourre chascun chascune et pour chascune fois que ce sera trouvé en amende de lx s., les XL s. au prouffit.de la ville et xx s. audict eswart.

2. Que nul dudict mestier et marchandise de. noefve pelleterie et vairie ne s'entremette de achetter par eschange, barat ne autrement, vieze pelleterie pour revendre, faire rev€uidre, changier ou baréter, sur encourre en le paine et a partir come dessus, et porront vendre noef et viez chascun a par luy sans fraude; s'il font le contraire, xx s.

3. Que nuls dudict mestier et marchandise ne baille ne faiche bailler a vendre a revendeur ne revenderesse quelconques pelleterie dent ne par quelque manière qu'elle