août

Adjudication au rabais Arch. départementales du Loiret, A 2143.

C'est le devis des ouvraiges de charpenterie nécessaires de faire présentement en Tostel de M. le duc a Orléans •

Et sera tenu le preneur de ladicte besoingne de soy eschaffauder, ainsi que bon lui semblera, a ses despens, sauf toutes voies que monseigneur le duc livrera le bois... pour faire lesdicts eschafTaulx et rendra ladicte besoingne parfaicte bien et convenablement dedans la Toussains...et mondit seigneur le duc livrera en la court dudict hostel tout le bois a ouvrer nécessaire pour faire lesdicts ouvraiges.

Lequel marchïé a esté mis a pris de premier denier en la main de moy Robert Paré, maistre des euvres de charpenterie de mondict seigneur le duc en son duchié d'Orléans par Denis Hureau, charpentier le x" jour d'aoust mil CCCC XXIX darrenierement passé a la somme de trante

deux escus d'or neufs ou la valeur au rabais qui a duré

jusques au lundi... xxix jour dudict moys d'aoust ensuivant auquel jour s'est comparu par devant moy en l'ostel de la recepte environ heure de nonne Gilet Bataille, charpentier qui ledict marchié a rabaissié et mis a trante ung escus d'or neufs, a laquelle somme, pource que autre n'est venu qui ledict marchié ait volu rabaissier les criées faictes en la manière acoustumée, j'ay icellui marchié en U présence de

Robin Baffart, receveur de mondict seigneur et de Guillaume Doulce, notaire du Chastelet d'Orléans baillé et délivré audict Gilet a ladicte somme de xxxi escus d'or comme au darrenier rabaissant.