décembre

Dwision du traçait dans P orfèvrerie, Arch. nat.y Reg. du parlement. Matinées X^» 4796, fol. 147.

Pierre Bienvenue orfèvre menuyer a baillié céans sa requeste par escript a l'encontre du procureur du roy a fin que on lui rende... verges et or sur luy pris en son ouvroir. Le procureur du roy recite Tarrest et ordonnances sur le mestier d'orfavVerie qui parlent de oeuvres d'argent et toutesvoiez le péril est greigneur en ouvrages d'or... et... le procureur du roy ou fait de l'orfavrerie en passant devant l'ostel dudict Pierre fist arrester xii vergetés d'or pour ce que par les ordonnances du mestier on ne puet ouvrer d'or s'il n'est de la touche de Paris a xix caras i quint sans remède et furent venez lez vergetez par le prevost et par les maistres des monnoies et fu trouvé que en xvi esterlins y avoit bien faulte et perte de xiii s. et ou marc y auroit bien perte de VI livres et si est vray que Pierre n'a baillié caucion ne prins poinçon et a continuelment ouvré sans avoir esté tesmoingné expert... si conclut que Pierre soit condempné et privé du

mestier

Pierre dit qu'il est bon loyal ouvrier, chargié de femme et d'enfans, et a continuelment ouvré depuis xxiiii ans et ne fist onquez autre fait que de menuyerie qui ne se pourroit bonnement poinsonner et toutesvoiez il en a fait faire ung et a parlé aux maistres du mestier qui lui ont dit qu'ilz le congnoissent bien et a maison et bons héritage a Paris et a

Tenviron et est bien resseant

Appoinctié que les verges seront touchéez parles maistres des monnoies, présent ung dez conseilliers de céans et ce

qui sera fait par lesdicts maistres sera rapporté céans... la court fera droit.