octobre

Laines {tendues en dehors de la halle,

Arch. nat., Reg. civilsduChâtelet, Y 5230, fol. 88.

Oyela requeste faicte par le procureur du roy céans, disant que nagueres Jehan Boucher et Simonnet Grandin avoient fait venir a Paris grant quantité de laynes, lesquelles ilz avoient descendues hors halles en l'osteldes Carneaux, près du collège de Mignon, auquel lieu Regnault Jouault et Jehan Le Maignen, marchans de Paris les estoient aléz veoir et breguigner [sic] contre les ordonnances ; et combien que depuis ce il eust esté enjoint ausdict Boucher et Grandin icelles laines mener et vendre en la halle a ce ordonnée, avoient a certain jour nagueres, passée heure de sept heures de matin fait mener icelles laines en une charrette en ladicte

halle, et ylec sans arrester, au moins sans icelles deslier ne montrer publicquement, les avoient vendues audict Jouault et Meignan, qui d'eulz les avoient achecté et incontinant fait mener et descendre en leurs maisons ou de Tun d'eulz, ouquel lieu, pour ce que contre la chose publique et autrement grandement délinquant ilz avoient ensemble ainsi contracté, lesdictes laines avoient esté arrestées de par nous, oye la depposition des dessusdicts Grandin, Boucher, Jouault et Maignan, qui en effet ont confessé ce que dit est, et veue certaine information sur ce faicte de nostre commandement, et tout veu etc, condempnés sont lesdicts Jouault, Maignan, Grandin et Boucher en amende envers le roy, taxée, c'est assavoir au regard desdicts Maignan et Jouault chascun a xl solz tournois, et au regard desdicts Boucher et Grandin, chascun a xl solz parisis et incontinent modéré auxdicts Boucher et Grandin chascun a xl s. t. Faict parties présentes.