décembre
Anoblissement d'un maître charpentier.
Arch. dëp. de la Loire Inférieure, Livre de franchises et privilèges.
Coppie. Jehan, par la grâce de Dieu duc de Bretaigne, conte de Montfor et de Richement a touz ceulx qui ces présentes lettres verront ou orront salut. Comme a nous de noz droicz reaulx et duchaux, souverainetéz et noblesses et non
a aultre en nostre pays appartiengne anoblir, franchir et exempter ceulx de noz subgiéz qu'il nous plaist et qui de nousTont deservi, savoir faessons que nous, considerans les grandes peines et bonnes diligences que nostre amé et subgit Raoullet le charpentier, très artificieux et expert oupvrier mechanique en Tart et science de charpanterie soustint et fist pour nous au recouvrement de la traisteuse prinse et blasmé detencion de nostre personne es sièges de Lamballe, Bron et Champtoceaux environ les engins, cannons et bombardes dont il estoit gouvernour que aultres agréables services qu'il a fait dempuiz a nous, a mon très chier et très amé nostre fils le conte de Montfort, tant en Touvraige et charpanterie de boais de Tostel nouvellement ediffié a Plaisance que autrement et que d'icelui nous pourrions aider en plusieurs manières si besoign en sourdoit et aultres causes ad ce nous mouvans, icelui Raoulet, en
recongnoissance de ce que dit est et
mesmement a la requeste de nostredict fils, avons au jour d'uy, de nostre certenne science et grâce especial, anobli, franchi, quitté et excepté, annoblissons, franchissons, quittons et exceptons par ces présentes de touz fouages, impostz, taillées, subsides et aultres subvencions quelxconques ordiennés et a ordonner en nostre duchié, voulans et voulons [que] celui Raoulet et ses principaux héritiers successivement de hoir en hoir en joissent en perpétuel. Si mandons et commandons a noz trésorier, receveurs et fermiers generalx et particuliers qui de présent sont et qui pour le temps avenir le seront, leurs lieutenants, commis,
etc ledict Raoulet le Charpantier et sesdicts hoirs de
nosdicts anoblissements, franchises, quittances et exepcions faire, souflFrir et lesser joïr et user plainement et paisiblement Donné en notre chastel d'Auray le xxix jour
de décembre Tan mil CCCC trante sept. Ainsi signé : Par le duc, de sa main, de son commandement et en son conseil uquel mons. le conte de Montfort, Tevesque de Léon, Jehan d'Usé (?) et aultres estoient et apparessoit le grant seau de la chancelerie en las de soye et cire vert. Donné
et fait par coppie par la court de Vannes et soubz le seel establi aux contraz d^icelle le quart jour de mars Tan mil CCCC trante neuf. Collacionné a l'original et passé par coppie : Dauray. (avec paraphe).
