avril

Exploitation des mines du Lyonnais et du Beaujolais, Leur

régime technique et économique,

S. Luce, De V exploitation des mines et de la condition des ouvriers mineurs en France au XV^ siècle, Revue des questions historiques y XXI, 1877.

Les XV, XVI et xvii® jours, j'ay * vacqué a faire les ordonnances des mynes, et sur ce ay eu advis et délibération avec

1. Jean Dauvet, comme on va le voir plus loin. Faokiiz. — Documents rtlatift à Vhutoin d* l'indutlrie et du commerce, — II. 16

2i2 DOCUMENTS RELATIFS A L'HISTOIRE [1455]

Briçonnet Granier*, Philebert Mauguin et Mermet de Fontaines, lesquelles ordonnances j'ay reddigéespar articles et mises en forme, en la manière qui s'ensuit.

Pour donner bon ordre et provision au gouvernement et conduitte des mynes d'argent et de cuivre qui furent de Jaques Cuer^ assises es pays de Lyonnois et Beaujoloiz, appartenantes de présent au roy, et en acomplissant ce qu'il a pieu audit seigneur sur ce mander a moy Jehan Dauvet, conseillier et procureur gênerai d'icellui seigneur et commissaire en ceste partie, ont esté par moy faictes les ordonnances qui s'ensuivent :

1. Premièrement a esté ordonné que d'ores en avant es dittes mynes aura ung gouverneur qui aura la charge de faire toute la recepte et despence et de tenir les comptes desdittes mynes, tant du principal que des dixièmes du roy, ouquel office de gouverneur et receveur a esté par moy ja commis maistre Pierre Granier.

2. Que- pour conteroller et certiffier toutes lesdittes receptes et despences, les achaptz des vivres, les affermaiges et paiemens des ouvriers et priffateurs, y aura d'ores en avant ung conterolleur, et des maintenant y ay commis et institué Nicolas Tharo, clerc.

3. Et lesquelz gouverneur et conterolleur feront leur résidence sur les lieux desdittes mynes et vaqueront songneusement ou fait et exercice de leurs dis offices, ainsi que cy après sera plus a plain declairé.

4. Auront lesdis gouverneur et conterolleur leur logeis et despence sur lesdittes mynes, c'est assavoir ledit gouverneur, luy, ung clerc ou varlet et deux chevaulx, e1 ledit conterolleur, luy et ung cheval. Et oultre ce auront et prendront par chascun an, par les mains dudit gouverneur, telz gaiges qu'il plaira au roy leur taxer et ordonner.

5. Ledit gouverneur donnera le meilleur ordre et provision qu'il pourra es maistres de montaigne desdittes

1. On peut lire aussi ce nom : Cramer ou Gravier. [Note de l'édit.)

2. Nous avons supprimé les item que Téditeur a reproduit en tête de chaque article.

mynes, et les fera aller, entrer et visiter chascun jour, une fois ou pluiseurs, ainsi que besoing sera, les puis, voyages et chambres desdittes mynes, saura comment lesdis maistres de montaigne mettent en besogne les ouvriers de martel, eu quelles chambres, comment ilz besongnent, et quelle myne ilz tirent ; et aussi comment ilz conduisent et ordonnent les piardes des maneuvres, s'ilz tirent bien hors de la ditte montaigne la mine, terriers, eaues et autres choses; et aussi comment ilz ordonnent les charpentiers apoyeurs de montaigne, s'ilz retiennent et cyntrent bien et deuement les voyages, puis et chambres desdittes mynes ; et que de tout ce qui sera fait, ouvré et besongné dedens les montaignes le jour, ilz en facent le rapport devers le soir audit gouverneur.

6. Ledit gouverneur semblablement donnera bon ordre et provision sur le fait et conduicte desdis ouvriers de martel, c'est assavoir que le plus que faire se pourra l'en retiengne et mette en besongné des meilleurs et plus souffissans ouvriers, et que nulz ne soient retenuz, aferméz ne mis en euvre, meismement estrangiers, qu'ilz ne soient soufHssans et expers, ou que ce feussent des subgetz de ce royaume qui se vouldroient louer ou affermer comme aprentiz, et que par lesdis maistres de montaigne les face besongner a leurs piardes entièrement, sans les abregier en quelque façon ou manière que ce soit.

7. Fourvoiera le mieulx qu'il pourra aux forges desdittes mynes de bons, souf&ssans et dilligens mareschaulx qui forgeront incessamment les chaynes, coignetz, marteaulx et autres ferremens desdittes mynes en telle manière que les ouvriers d'icelles mynes ne choument et que l'ouvrage cl*icelles ne soit aucunement retardé*

8. Oultre lesdis maistres de montaignes, ledit gouvortieur, s'il voit que besoing soit et prouflitable, commettra ung autre expert et entendu a qui il donnera bons gaiges, qui semblablement entrera deux fois le jour ou plus dedens laditte montaigne, pour visiter lesdis ouvriers et maneuvres et rapporter audit gouverneur leur laçon et manière d'ouvrer,

quelle myne ilz tirent, de quelle sorte et en quelle quantité, et les fautes qui y seront, pour y pourveoir, ainsi qu'il verra estre a faire.

9. Ordonnera le mieulx qu'il pourra la conduicte des maneuvres desdittes mynes, tant de ceulx qui sont aux gaiges, salaire et despens du roy que de ceulx des prifateurs qui ont charge de tirer les eaues, terre et myne de laditte montaigne c'est assavoir qu'ilz besongnent ordinairement aux heures de leurs piardes et qu'ilz tirent le nombre de barraux d'eaue, de terre et myne qu'ilz doivent tirer.

10. Donnera ordre aux fourniers, cuisiniers et autres serviteurs d'ostel desdittes mynes, en telle manière que chascun en son endroit face et excerce la charge qu'il aura le mieulx et plus loyaument et plus dilligemment que faire se pourra.

11. Donnera bon ordre sur le fait de la despence de bouche desdittes mynes, tant de pain, vin, chair, poisson que autres choses, c'est assavoir tant a faire ses provisions par saison de toutes choses neccessaires que a les distribuer par règle.

12. Quant il affermera et louera les maistres, ouvriers et maneuvres desdittes mynes, il les affermera pour sallaire et pour despences, sans leur bailler argent appart pour leursdittes despences que le moins et le plus tart qu'il pourra, car par telles despences qui se font ou feroient appart, les vivres et provisions qui se feront pour la despence desdittes mynes se pourroient consumer et degaster en grant perte, sans tenir lieu ne aucun prouffit.

13. Considéré la grant despence qui se fait es dittes mynes chascun an, est a doubter que, s'il y avoit année infertile et sceverité de fruictz, que la revenue desdittes mynes ne peust fournir a faire la despence d'icelles, qui pourroit estre cause de la perdicion desdittes mynes, et pour ce ledit gouverneur fera faire les provisions de bléz, vins et chairs neccessaires es dittes mynes par saison, pour deux années ou année pour une, et les gardera en lieu se.ur a Lyon ou ailleurs, pour mieulx et plus seurement et a mendres frais fournir a la despence d'icelles mynes.

14. Pour ce qu'il a esté anciennement acoustumé que les niaistres de montaigne, charpentiers et . ouvriers de martel aient plus grande distribucion de vivre et s'oient plus largement servis et pensez et aussi mieulx logez et couchez que les maneuvres, et que maintenant entre eux n'y a aucune ordre, et mangeussent et couchent tous ensemble, ledit gouverneur fera séparer lesdis maneuvres desdis ouvriers et les fera mengier et coucher a part et réduira leur despence et distribucion de vivres a la forme ancienne.

15* Visitera ledit gouverneur souvent, au moins deux ou trois fois la sepmaine, les martinetz desdittes mynes d'argent, tant de Cosne ^, du Venail^ que de Brucieu ^ et verra comment les maistres fondeurs etaffineurs besongnent, tant aux recuiz de la mine que a tirer et laver les regretz et fondre et affiner. Et si ledit gouverneur y trouve aucune ohose hors ordre, le reddressera et y remédiera au mieulx cju'il pourra.

16. Ne pourront lesdis fondeurs et aflSneurs fondre ne îifRner sans la présence desdis gouverneur et conterolleur cJesdittes mines ou de l'un d'eulx, lequel conterolleur enregistera tout l'argent, plomb et cuivre qui sera fait, fondu et affiné, tant es dittes mynes de Pampalieu, de Chissieu *, de Saint Pierre la Palu ^ que de Joz ^.

17. Toutes et quantesfois que ledit gouverneur louera et retiendra par affermaige, prisfait ou autrement fera ouvrer ^t besongner es dittes mynes aucuns maistres ouvriers,

maneuvres, fondeurs, affineurs et serviteurs d'ostel, il leur fera faire serment de bien et loyaument servir et besongner selon la charge qui leur sera donnée, et de garder les ordonnances et statuts cy après déclarez. Et se aucun d'eulx

1. Un ruisseau de Cône est marqué sur la carte de Cassini, entre Brullioles et Brussieux, comme affluent de la rive eauche de la Brcveonfi. (Cette note, ainsi que celles qui suivent, est due à réaiteur).

2. Ce nom est écrit plus bas Vernail. Un lieu, dit le Vernay, est marqué sur la carte de Cassini, entre Souzy et Sainte-Foy-l'Argentière (Rhône).

3. Auj. Brussieux, Rhône, an*. Lyon, c. Saint-Laurent-de-Chamousset.

4. Auj. Chcssy-les-Mines, Rhône, arr. Villefranche-sur-Saône, c. Le Boîsd'Oingt.