Saint-Pierre-la-Palud, Rhône, arr. Lyon, c. L'Arbresle
C. Auj. Jeux, Rhône, arr. Villefranche-sur-Saône, c. deTarare.
24e DOCUMENTS RELATIFS A L'HISTOIRE (14553
venoîent aucunement contre leur serment ou autrement delinquoient, en fera justice et pugnicion telle qu^il appartiendra, selon l'exigence des cas, et que ce soit exemple aux autres.
18. Ledit gouverneur fera faire les ediffices neccessaires, tant en la maison de Cosne que es dis martinetz, et meismement incontinent et le plus tost quMl pourra ceulx qui s'ensieuvent c^est assavoir au martinet de Cosne une grande chemvnée sur la fournaise et affinaison, au martinet du Vernail une autre, et fera rebâtir et ediflîer la petite maison qui est au dessus dudit martinet démolie, pour logier le fondeur et affineur qui besongnera audit martinet et ses gens, et aussi pour la garde et conservation du plomb estant et qui sera fait ou dit martinet.
19. Pour ce que en la maison de Cosne ou se fait la despence desdittes mines et ou couchent et habitent les ouvriers et maneuvres desdittes mynes, a trop peu delogeis, ledit gouverneur y fera faire ung peele et une chambre pour les maneuvres et ung grenier pour mettre blé, et autre logeis qu'il verra estre neccessaires, le plus tost que faire se pourra.
20. Au regard des autres mynes de cuyvre de Saint Pierre la Palu et de Chissieu et des mynes d'argent et de plomb de Joz en Beaujoloiz, tiendra ledit gouverneur et aussi ledit conterolleur tout tel et semblable ordre. Et fera ledit gouverneur tenir par les maistres mineurs, ouvriers, maneuvres, fondeurs, affineurs et serviteurs, comme dessus est declairé.
21. Pour ce que le plaisir du roy a esté et est que le grant voyage de la montaigne de Pampalieu soit fait, continué et achevé, ledit gouverneur fera incontinent et sans delay wider les eaues qui sont a l'entrée dudit voyage, et par les charpentiers de laditte montaigne fera adouber et redresser l'entrée dudit voyage, et aussi redresser tous les cintres dudit voyage, afin que les maistres nivelleurs et ouvriers, ordonnez pour ledit voyage, soient mis en besongne, ainsi qu'il a esté ordonné et avisé, le plus dilligemment que faire se pourra.
22. Pour ce que ledit gouverneur a la charge de tenir le compte de la recepte et despence desdittes mynes, et qu'il y fault avoir grant ordre pour la seureté et prouflît du roy et de la chose, ledit gouverneur se y conduira et gouvernera comme s'ensuit. Premièrement aura ung livre de pappier pour escripre et enregistrer sa recepte, laquelle il divisera par parties et chappitres. Et sera le premier chappitre de la recepte qu'il fera de Targent blanc qui sera
tiré desdittes mvnes et ouvré aux martinetz d'icelles. Le
second chappitre sera du plomb qui sera fait et ouvré es dis
martinetz. Le quart ^ chappitre sera du dixième appartenant
au roy de l'argent qui sera fait et ouvré es autres mynes de
Lyonnois et Beaujoloys appartenantes a autres que au roy.
Le cinquiesme chappitre sera du dixiesme du plomb qui sera
fait et ouvré es dittes autres mynes. Le sixiesme, de la
revenue des champs, molins et autres heritaiges desdittes
tïiynes. Le septiesme chappitre sera des cuirs, peaux et
gresses de beufz, vaches, moutons qui seront tuez et du
bran des farines et autres prouffiz qui vendront et ystront des
vivres et autres choses qui se despenseront es dittes mynes.
23. Pour la despence desdittes mynes aura ledit receveur quatre livres de pappier, c^est assavoir ung ouquel il escripra les achaptz et despences des vivres de l'ostel, tant de blé, vins, chars fresches et sallées, poisson frais et salle, potaige, sel, huille, aulx, oignons, suif, estouppes et chandelles, foin, avoine et autres menues despences neccessaires pour la» provision desdittes mynes. Ou second livre ou papier escripra la despence du bois et charbon que l'en f^astera par chascun an es dittes mynes, dont il fera pluiseurs chappitres, c'est assavoir du bois et charbon qui se gastera en chascun desdis martinetz de Brucieu, Cosne et du Vernail, autre de charbon que l'en gastera es forges, autre du bois que l'en gastera en la maison de Cosne ou se fait la despence
1. Pas plus que Tédition le ms. n'indique Tobjet du troisième chapitre. Le copiste a relevé cette omission ou cette erreur de numérotage dans la note suivante que le premier éditeur a négligé de reproduire : Tercium capitulum videtur obmissum, tamen in papiro super quo presens copia fuit extracta ita habetur.
desdittes mynes, et autre du bois, appelle mahiere, que l'en gastera es puiz et voyages de laditte moutaigne de Pampallieu et despence des prisfaiz, tant de montaigne que de martinetz. Ou tiers livre ou pappier de ladittë despence escripra et enregisterra les afiermaiges et paiemens des sallaires et gaiges d'officiers, maistres de montaigne, appoieurs, ouvriers de martel, maistres fondeurs et affineurs, maneuvres et serviteurs d*ostel. Ou quart livre ou papier escripra les paiemens des gens louez a journées, charroy de myne, achapt de mesnage, repparacions et ediffices et toute autre despence extraordinaire, et tout divisera par chappitres sepparéz les ungz des autres.
24. Oultre ce aura ledit receveur ung autre livre ou pappier ouquel escripra toute la despence du grant voyage qui se fera en laditte montaigne de Pampilieu, tant en gaiges et sallaires de maistres nivelleurs, appoieurs, ouvriers, maneuvres, prisfaiz, despences de bouche, bois, charbon, fer, acier ec autres choses neccessaires oudit voyage.
25. Ledit receveur tiendra tout tel et semblable ordre es mines d'argent de la montaigne de Jox en Beaujoloiz, quant elle sera ouverte et en estât et disposicion de besongner, tant en recepte que en despence.
26. Au regard des mynes de cuyvre de Saint Pierre la Palu, ledit receveur aura trois livres ou papiers ordinaires, en l'un desqqelz escripra la recepte desdittes mynes, tant de cuyvre* que d'argent, qui y sera ouvré, et de l'orquisera séparé desdis cuivre et argent, s'aucun or s'en peut séparer et avoir. Ou second livre escripra la despence des affermaiges et paiemens des maistres de montaigne, fondeurs, appoieurs, affineurs, ouvriers de martel, maneuvres, mareschaulx, serviteurs d'ostel, gens louez a journées, charroy de myne et despenses de boys et charbon. Ou tiers livre escripra la despence des vivres^ tant de blé-, vin, char, poisson fraiz et salle, ensemble fromaige, sel, huille, potaige, foin, avoine, achapt de mesnage, repparacions et toute autre despence extraordinaire.
