Edit. : ou
avoit perdu, paiera pour lavalleur dudit martel sept solz six deniers tournois et pour chascun coignet quinze deniers.
50. Que aucun desdis ouvriers ne preigne ou se aide des martel et coignets l'un de l'autre contre son gré , sur peine de cinq solz et d'amender le dommaige qui pour ce pourroit advenir.
51. Que tous ouvriers et maneuvres soient tenus chascun jour, tant Testes que jours ouvriers, estre en l'ostel ou se fera la despence desdittes mynes, aux heures ordonnées et acoustumées de disner, soupper et autres repas. Autrement, s'ilz viennent après, n'en auront point ains vivront sur leur bourse pour les reppas qu'ilz deffauldront.
52. Que nulz des maneuvres desdittes mynes, petit ou grand, ne soit si hardi de partir, Testes ou jours ouvriers, durant le temps de son affermage, hors des limites desdittes mynes, sans le congié dudit gouverneur ou du maistre de montaigne, sur peine de cinq solz tournois, pour chascune fois qu'il se absentera et pour chascun jour qu'il sera absent.
53. Que nul desdis maistres de montaigne, fondeurs, afiineurs, ouvriers, maneuvres et autres serviteurs d'ostel, ne soient si hardiz de mettre ne tenir femmes amoureuses dedens laditte maison ou se fera la despence et habitacion d'iceulx desdittes mynes, sur peine d'amende arbitraire.
Et ce jour meismes, après que j'ay esté informé par messire Jehau d'Olon, maistre d'ostel du roy, et autres qui congnoissent Nicolas Tarou, clerc natif de ce pays, [qu'icellui?] est et sera soufEsant, ydoyne et dilligent pour faire et excercer l'office de conterolleur desdittes mynes, icellui Tarou ay commis et ordonné conterolleur desdittes mynes et luy en ay baillé mes lettres a commencer l'excercice dudit conterolle le premier jour du mois de may prochain venant. Et luy ay fait faire serment de bien et loyaument faire et excercer ledit office, selon le contenu es ordonnances dessus incorporées.
Du XIX® jour dudit moy d'avril [mil] IIII<= LV.
J'ay monstre et communiqué lesdittes ordonnances ausdis
Granier, receveur et gouverneur et audit Taro, conterolleur desdittes mynes, et leur ay commandé et enjoint, de par le roy, d'eulx gouverner, régler et conduire ou fait et excercice de leurs dis offices, selon les ordonnances dessus incorporées, meismement jusques a ce que par le roy en soit autrement ordonné.
