décembre
Prix fait de la reconstruction du chœur et du clocher de V église paroissiale de Saint- J ulien-des-Chazes ,
Spicilegium Brivatense, éd. Chassaiog, ii° 196, p. 555.
Note que personnelment establis noble, vénérable et religieuse dame Madame Marie de Langhac, abbeesse du monastère des Chases, noble homme Pierre Bertrand, Pierre Eyrauld, Pierre Jaubert, Jehan Prulhac, Pons Molî, Pierre Pomier alias Bosredont et Jehan du Mas alias Bayssaire, habitans des Chases, de leur bon gré, etc., ont donné a pris fait a Jacme Combret, masson, tilz de Pierre Combret, habitant de Montes, de la parroisse de Saint Julien des Chases, a ce présent et stipulant, de fere les choses qui s'ensuivent en la forme cy dessoubz déclarée :
Et premièrement de fere bastir et ediflSer la palme du clochier de l'église parrochielle de Saint Julien des Chases d'ault en bas.
2. Doit avoir d'espès le mur de ladicte palme despuis le fondement jusques aux ausides trois pies, et doit avoir de large trois brasses et demye, et sera a trois ausides, deux grandes et une petite, a leur devoir de large et d'ault.
3. Doit fere le cucr de ladicte église en crote, et aura ledit cuér de long trt)is brasses et demye ou environ, a six branches, et quatre piles par dehors, non comprinses les deux du clochier, de trois pies de large.
[1463] DE L'INDUSTRIE ET DU COMMERCE. 25î>
4. Doit bastir le mur dudit cuer, c'est assavoir deux ou trois sizes de piarre bouldreyre et le surplus de taile, et les murs d'entre les piles de piarre bouldreyre, et sera ledit mur de large deux pies et demy, et aura d'ault ledit cuer audedans quatre brasses.
5. Fera deux fenestres de verrines audit cuer, raisonnables selon ledit cuer, et ung petit veyrial darrier Tautier, d'un pié et demy d'ault.
6. Doit fere ungarmaire dans ledit cuer darrier l'autier, de hault de trois pies et deux de large.
7. Et doit ledit masson tirer de la peyrriere la piarre de tailh que sera neccessere audit bastiment, et les habitans de ladite parroisse de Saint Julien lui feront les maneuvres que seront neccesseres a tirer ladite piarre.
8. Et doit fere ledit masson les sendriatz dudit bastiment, et lesdiz habitans de ladite parroisse lui fourniront le boix.
9. Et lesdiz habitans lui doivent porter a pié dudit bastiment, et lui fournir de piarre, chalz, grave, fere le mortier et fere toutes maneuvres.
10. Et a fin dudit ouvrage, les sendriatz seront desdiz . parroissiens, et la deffarde vielhe sera dudit Jacme Combret, senon que soit bonne pour retourner audit ouvrage.
11. Et pour les choses dessusdites fere et acomplir, madite dame des Chases, ledit Pierre Bertrand et autres dessus nommés, pour eulx et pour et au nom des autres habitans en ladite paroisse de Saint Julien des Chases, ont donné et promis paier audit Jacme Combret. masson dessus nommé, les choses qui s'ensuivent, c'est assa-* voir la somme de vingt et neuf escus d'or aujourd'hui aians cours, douze sextiers soigle, deux muys de vin, et, pour chacun hostel de ladite parroisse, deux livres de cher salée et deux livres de fromage. Desquelles somme d'argent, quantité de blé et autres choses dessus déclarées, madite dame l'abbeesse des Chases sera tenue et à promis paier audit Jacme Combret, présent et stipulant^ c'est assavoir dix escus d'or, quatre sextiers soigle, vingt et
260 DOCUMENTS RÊLAtlFS A L'ttlSTOlRÊ [1464-65]
quatre potz de vin ; ledit Pierre Bertrand lui a prorais paier deux escus d'or; et le surplus certains des habitans de ladite parroisse, pour eulx et pour les autres habitans de ladite parroisse, ont promis paier et se sont obligés audit Jacme Combret, ainsi que conste par lettres obligatoires receues par le notaire cy dessoubz escript les an et jour cy dessoubz escripz. Et ledit Jacme Combret, ensemble ledit Pierre Combret, son père, a ce présent et personnelment establi, c'est assavoir ledit Jacme en l'autorité et consentement de sondit père, ont promis, soubz l'obligation et yppotheque de tous leurs biens, etc., et juré, etc., de fere, acomplir et parachever ledit bastiment en la forme cydevant déclarée, a la requeste desdiz habitans de ladite parroisse. Fait, tesmoingz a ce presens Vidal Melher, clerc, Jehan Saunier, messire André Salgue, et donné le mardi XIX® jour de décembre l'an mil IIIP LX trois.
Octroyé soubz le séel des Chases, devant nous tenant le séel ; soit randu ausdiz habitans.
G. DE Lestraoë»
