novembre
Résiliation du contrat qui lie U ouvrier au patron.
Arch. nat., Reg. de la justice de Saiot Éloi, Z^ 3258, fol. 23 v*».
Colin Jobert varlet cordouennier demourant en Tostel Phelippot Carreffour en la rue S. Anthoine près de la
Moufle interrogué.. .. a confessé que dimenche dernier
il qui est varlet cordouennier, ouvrant de son mestier
sieux [sic] Ph. Carreffour... auquel il dit estre aloué pour le servir audict mestier et pour certain pris convenu entre eulx, vint devers ledict Phelippot qui trouva en son ouvrouer avecques sa femme, ausquelz il dist et pria que ilz voulsissent conter a luy de ce que il les avoit serviz et le paier ce qui luy estoit deu, lesquelz furent de ce faire relFusuns, en disant par ledict Phelippot a il qui parle qui le serviroit durant le temps qui Tavoit loué, voulsist ou non, et qu'il ne besongneroit en ouvrouer qui fust a Paris que en son hostel, pour quoy se murent parolles entre eulx et tellement que lesdiz Phelippot et sa femme l'appellerent truant, paillart, cayment, et non de ce contens, la femme dudit Phelippot le print aux cheveux et luy donna, et aussy fist ledit Phelippot plaseurs coups sur la teste et ailleurs, et luy dessi[re]rent son manteau, et tenoit ledit Phelippot ung Cousteau tout nu, atout lequel il suivy il qui parle jusques a la porte Saint Anthoine. Interrogué se il frappa point lesdits Phelippot et sa femme, dit que non sy non en se cuidant eschapper de leurs mains, il les frappa de son bras, mais ne scet ou ne quans coups et autre chose n'a confessé. Et ledit Phelippot a confessé que ledit jour de Dimenche
et a ladite heure de deux heures après midi, il et sa femme et le frère de il qui parle estoient en son ouvrouer en la rue S. Anthoine, et la vint a luy Colin Jubert {sic) qu'il dit estre son varlet aloué pour le service de son mestîer de cordouennier, lequel Colin s'adreça a luy en luy disant bien errogamment qu'il contast a luy et qui le paiast de ce qui luy devoit. Auquel Colin il dist qu'il allast querre sa mère qui est demourant près de luy et que en sa présence il conteroit a luy en lui disant que il ne luy doneroit point congié et que il avoit entenciou qui le serviroit durant le temps qui Tavoit loué. Et pource que ledit Colin luy dis» aucune paroUe injurieuse, il dist audit Colin : Va-t-aiiy garsson, hors de sceans, en le boutant hors des mains et quant ledit Colin feust sur le sueil de Tuys, il se tourna devers luy qui parle et lui donna ung coup de poing sur le visaige et tellement qu'il le feist saigner des denz et du nez, et non de ce content ledit Colin, pour ce que la femme de il qui parle dist audit Colin : Paillard garsson^ as tu batu mon mary ! iceluy Colin s'adressa a sa femme et luy bailla ung coup de poing entre l'œil et l'oreille tellement que la place y demoura toute noire comme encre est comme il dit. Interrogué se il ne sa femme frappèrent point ledit Colin et se ilz le prindrent point par les cheveux, dist que au regart de luy il ne le frappa point, maiz quant il vit que sa femme eust esté frappée dudit Colin, il se cuida adresser devers ledit Colin, et n'eust esté le frère de il qui parle qui la estoit présent, il croit bien que il eust frappé ; et au regart de sa femme,, dist qu'elle donna ung coup a iceluy Colin. Interrogué se il suivit point iceluy Colin atout ung cousteau tout nu en sa main jusques a la porte Saint Anthoine, dit que oncques ne tréa couteau, maiz bien est vray qu'il suivit ledit Colin jusques a U porte Saint Anthoine pour le cuider areter ou faire areter et faire mectre en prison pour l'injure et les batures faictes a luy et a sa femme par ledit Colin, et autre chose n'a confessée
Faonibz. — Documents relatif* a l'histoire de l'industrie et du commerce, —-H. 17
Dimenche xiiij® jour de Novembre Tan mil iiij*^ Ixlj.
Veu les confessions de Phelipot Carrefour, et de Colin Jobert qui ont confessé avoir batu l'un Tautre corne plus applain est contenu en leurs confessions qui sont a court, nous iceulx Phelipot et Colin avons condempné en l'amende envers justice, c'est assavoir ledit Jobert en viij s. p. et ledit Phelipot en v s. p. et fraiz de justice.
